The novel Rooh E Ishq Novel By Husny Kanwal is a romantic Urdu novels pdf, written by a famous Pakistani novelist Husny Kanwal. You can download or read this novel online complete from here in PDF format.
Novel: Rooh E Ishq
Writer: Husny Kanwal
Status: Completed
Intresting Part Of Rooh E Ishq By Husny Kanwal
وہ آرام سے بیٹھ کر کھانے میں مگن تھا جبکے شہاب صاحب کی نگاہ باہر کی جانب ٹکی تھی۔۔۔۔مانو کسی کا انتظار کر رہے ہوں۔۔۔۔
شازمہ طبیعت خراب ہونے کے سبب گیسٹ روم میں آرام کر رہی تھی ۔۔۔۔
”میں کل جا رہا ہوں“عبدالمنان نے بلند آواز میں اعلان کیا مگر وہ یہ دیکھ حیران تھا کے شہاب صاحب اس کی بات کا کوٸی ری۔ایکشن نہیں دے رہے تھے۔۔۔
بس کھانے کی پلیٹ میں چمچہ ہلا رہے ہیں
”کیا ہوا بوڑھے بابا؟؟۔۔۔۔کوٸی آنے والا ہے کیا ؟؟“عبدالمنان کے ابرو اچکاکر استفسار پر وہ بوکھلا کر نفی میں گردن ہلانے لگے۔۔۔
کوئی وجہ تو تھی ۔۔۔۔۔جو آج وہ اس قدر بے چین تھے ۔۔۔۔۔
ان کی بوکھلاہٹ دیکھ عبدالمنان کا دماغ کھٹکا تھا۔۔۔۔
”ہیلو ڈیڈ“ کہتے ہوۓ۔۔۔ ایک چالیس سال کا خوبرو مرد گھر میں داخل ہوا۔۔۔۔اسے دیکھتے ہی شہاب صاحب مصنوعی مسکراہٹ لبوں پر سجاۓ تیزی سے اس کی جانب بڑھ گٸے۔۔۔
عبدالمنان کے کانوں کی سماعت سے جیسے ہی اس شخص کی آواز ٹکراٸی۔۔۔
اس نے کانچ کا گلاس مضبوطی سے پکڑ لیا۔۔۔۔۔
وہ آواز زہر کی مانند تھی ۔۔۔۔
جسے سنتی ہی اس کے پورے جسم میں خون کی گردش تیز ہو گئی ۔۔۔۔۔
اس کے مسلسل بولنے اور ہنسنے کی آوازیں عبدالمنان کا خون کھولا رہی تھیں۔۔۔۔۔وہ گلاس اٹھاکر کھڑا ہوا ۔۔۔
”وووو۔۔۔۔تو ان کا انتظار کر رہے تھے آپ “وہ شہاب صاحب کی جانب چلتا ہوا آکر سرد لہجے میں گویا ہوا۔۔۔۔
عبدالمنان کا لہجہ نفرت بھرا تھا۔۔۔اس کی آنکھوں سے کدورت ٹپکتی ہوٸی معلوم ہورہی تھی۔۔۔
”عبدالمنان ایک بار بیٹھ کر تحمل سے بات کرلو۔۔۔۔۔یہ۔۔“ابھی شہاب صاحب سمجھانے والے انداز میں بول ہی رہے تھے کے وہ غصے سے بھڑک اٹھا۔۔۔
”تحمل سے بات کرٶں۔۔۔اور وہ بھی کس سے؟؟؟؟ ۔۔۔۔اس آدمی سے ۔۔جو بچپن میں۔۔۔ مجھے آپ کے پاس پھینک کر چلا گیا تھا۔۔۔۔اور اب لوٹا بھی اپنے مقصد سے ہے۔۔۔۔“اس نے ایک ایک حرف چباچبا کر فرح پر کدورت بھری نظر ڈالتے ہوۓ کہا۔۔۔۔
”کس لہجے میں بات کر رہے ہو تم مجھ سے ؟؟۔۔۔۔تمھارے دادا نے تمھیں اتنی تمیز بھی نہیں سکھائی کے بڑوں سے کس طرح بات کرتے ہیں۔۔۔“فرح صاحب نہایت سخت لہجے میں عبدالمنان کو دیکھ بولے۔۔۔
”تمیز؟؟۔۔۔۔ہممم۔۔۔دیکھیں تو بوڑھے بابا۔۔۔مجھے آج تمیز کا لیکچر کون دے رہا ہے۔۔۔“ وہ طنز کا تیر فرح پر چلاتے ہوۓ مسکرانے لگا۔۔۔
۔۔”مجھے لیکچر دینے سے کہیں بہتر ہے۔۔۔آپ اولاد کے حقوق سیکھیں۔۔۔او۔کے۔۔۔“عبدالمنان ان کے قریب آکر اپنی شہادت کی انگلی فرح کے سینے پر رکھتے ہوۓ ۔۔۔ دنیا جہاں کی نفرت آنکھوں میں سمیٹے تلخ انداز میں کہ کر ۔۔۔۔پلٹ کر گیسٹ روم کی جانب بڑھنے لگا۔۔۔
”تمھارے دادا کے بے جا لاڈ پیار نے تمہیں جانور بنا دیا ہے۔۔۔جسے نہ بات کرنے کی تمیز ہے نہ۔۔۔“فرح صاحب اس کی جرات پر غصے سے بھپر کر باآوازِ بلند بول ہی رہے تھے۔۔۔کے اس نے پوری قوت سے ہاتھ میں پکڑا ہوا گلاس ان کی جانب مڑ کر زور سے فرش پر دے مارا ۔۔۔۔
جس پر وہ دونوں چونک کر پیچھے ہٹے تھے۔۔۔۔شازمہ یہ شور سن تیزی سے گیسٹ روم سے نکل کر آٸی تھی۔۔۔۔
”شکر کریں ابھی تک یہ جانور خود کو زخمی کر رہا ہے۔۔۔۔۔آپ کو نہیں۔۔۔۔ورنہ چیر پھاڑ کرنا۔۔۔ جانوروں کا پسندیدہ مشغلہ ہوتا ہے۔۔۔۔“وہ شیر کی طرح دھاڑتے ہوۓ کہ کر وہاں سے باہر کی جانب چلا گیا۔۔۔۔۔۔۔
”مس شازمہ ۔۔۔جلدی اس کے ساتھ جاٸیں ۔۔کچھ بھی ہوجاۓ اکیلا مت چھوڑئیے گا اسے۔۔۔“شہاب صاحب تیزی سے حاکمانہ انداز میں گویا ہوئے۔۔۔جس پر وہ اثبات میں سر ہلاکر فورا اس کے پیچھے دوڑی۔۔۔
”مانی۔۔۔مانی۔۔۔ہیلو۔۔۔بات تو سنو میری۔۔۔مانی ۔۔۔“وہ پیچھے پیچھے کار تک آن پہنچی تھی۔۔۔۔
”دروازہ کھولو۔۔۔مجھے بھی بیٹھنا ہے “شازمہ نے کار کے شیشے پر ہاتھ مارتے ہوۓ کہا۔۔۔۔
مگر تب تک وہ کار اسٹارٹ کر چکا تھا۔۔۔اس نے شازمہ کی ایک نہ سنی ۔۔اور تیزی سے کار چلاتے ہوۓ لے گیا۔۔۔۔
”مانی۔۔۔۔ رک جاٶ پلیز۔۔۔مانی۔۔۔میری بات تو سن لو “عبدالمنان رنج و غصے کی ملی جھلی کیفیت سےسرشار تھا۔۔۔۔
دنیا میں سب سے زیادہ نفرت اسے فرح صاحب سے تھی۔۔۔جو اسے چھوٹی سی عمر میں اس کے دادا دادی کے پاس پھینک کر ہمیشہ کے لٸے لندن شفٹ ہو گئے تھے۔۔۔۔
جہاں اس کی کار مین گیٹ سے باہر نکل رہی تھی ۔۔۔وہیں سامنے سے سفید رنگ کی کار مین گیٹ سے داخل ہورہی تھی۔۔۔
اس کار میں بیٹھے ہوۓ خوبرو نوجوان کی نظر سب سے پہلے عبدالمنان کی کار کے پیچھے بھاگتی ہوٸی شازمہ پر پڑی۔۔۔جسے دیکھتے ہی اس کی آنکھوں میں جگنو جگمگاٸے تھے۔۔۔۔۔
”مس شازمہ آپ یہاں؟؟“وہ تیزی سے اس کی جانب چلتا ہوا آیا۔۔۔۔
”مانی۔۔۔رک جاٶ“وہ عبدالمنان کے پیچھے زور زور سے ابھی تک آوازیں لگا رہی تھی
جبکے اس کی کار آنکھوں سے اجھل ہوچکی تھی۔۔۔۔
”ہیلو ۔۔۔مس شازمہ ۔۔۔میں آپ سے بات کر رہا ہوں“شازمہ کا ذہن مفلوج ہوۓ جارہا تھا۔۔۔۔۔اس نے عبدالمنان کی آنکھوں میں شدید کرب محسوس کیا تھا۔۔۔۔۔اسے خوف لاحق تھا کے کہیں وہ خود کو کوٸی نقصان نہ پہنچا لے۔۔۔۔۔
”میں کیا کروں؟؟“وہ اپنا سر پکڑ روہانسہ آواز میں بولی۔۔۔
”کیا ہوا ہے ؟؟۔۔۔آپ اتنی پریشان کیوں ہیں ؟؟“وہ خوبرو نوجوان فکرمند لہجہ میں گویا ہوا۔۔۔
”مانی۔۔۔مانی کہیں خود کو کچھ کر نہ لے۔۔۔میں نے اس سے پہلے اُسے اتنے غصے میں کبھی نہیں دیکھا۔۔۔۔۔“مانو اس کی تو جان نکلے جارہی تھی۔۔۔
پہلے ہی صبح سے جسم میں بخار شریف تشریف فرما تھے ۔۔۔۔۔اور اب عبدالمنان کا غصے سے کار لے کر نکلنا اس کی ہر گزرتے لمحے کے ساتھ جان ہلکان کر رہا تھا۔۔۔۔
”آپ اس کی فکر نہ کریں۔۔۔“شازمہ کو عبدالمنان کی فکر میں گھلتا ہوا دیکھ وہ خوبرو نوجوان الجھ گیا تھا۔۔۔۔۔اسکے کندھے پر اپنا بھاری ہاتھ رکھتے ہوۓ دلاسہ دینے لگا۔۔۔
”مس شازمہ آپ یہاں کیا کررہی ہیں ؟؟۔۔۔آپ سے کہا تھا ناں اسے اکیلا مت جانے دیجئے گا۔۔۔“شہاب صاحب آتے ہی اس بیچاری بیمار لڑکی پر برس پڑے تھے۔۔۔۔
”دادا جان مس شازمہ کی کوٸی غلطی نہیں ہے۔۔۔یہ بیچاری تو اسے روکنے کی بھرپور کوشش کر رہیں تھیں ۔۔“وہ خوبرو نوجوان فورا ہی شازمہ کی ساٸیڈ لیتے ہوۓ بولا۔۔۔۔
”قاسم تم بیچ میں مت بولو “فرح صاحب اسے خاموش کرانے لگے۔۔۔
”او۔کے ڈیڈ۔۔۔اب میں چلتا ہوں۔۔۔“فرح صاحب یہ کہ کر قاسم کو چلنے کا اشارہ کرنے لگے۔۔۔۔
”اتنی سنگ دلی مت دیکھاٶ۔۔۔۔تمھارا خون ہے وہ۔۔۔۔“شہاب صاحب ان کی سنگ دلی پر مزید خاموش رہ سکے۔۔۔
”پلیز ڈیڈ ۔۔۔میں اسے اپنا بیٹا نہیں مانتا ۔۔۔وہ صرف ایک بھاگی ہوٸی حرام زادی کی اولاد ہے۔۔۔جسے دیکھ کر بھی میرا خون کھول اٹھتا ہے۔۔۔“فرح صاحب کے کہتے ہی شازمہ کے کان کھڑے ہوۓ تھے۔۔۔۔
”وہ تمھارا بھی بیٹا ہے۔۔۔۔تمھارا خون دوڑتا ہے اس کی رگوں میں۔۔۔۔اس گھٹیا عورت کے گناہ کی سزا اس بیچارے کو کیوں دے رہے ہو؟؟۔۔۔اس کا کیا قصور ہے ان سب میں ؟؟؟۔۔۔“شہاب صاحب جذباتی ہوکر فرح کا بازو جھنجھوڑتے ہوۓ اسے احساس دلانے کی کوشش کر رہے تھے کے عبدالمنان بےقصور ہے۔۔۔
”مجھے نفرت ہے اس سے۔۔۔جب اسے دیکھتا ہوں ۔۔۔۔اس کی ماں کا چہرہ میری آنکھوں میں گھومنے لگتا ہے۔۔۔یہ تو میں صرف آپ کی ضد پر واپس پاکستان آیا ہوں ۔۔۔۔۔ورنہ میری نظر میں میرا صرف ایک بیٹا ہے۔۔۔میری پوری جائیداد کا اکلوتا وارث ۔۔۔۔۔۔قاسم۔۔۔۔“یہ کہتے ہی انھوں نے قاسم کی جانب دیکھا۔۔۔۔
آج شازمہ کو شدت سے عبدالمنان کے کرب کا احساس ہورہا تھا۔۔۔
شازمہ کی نگاہوں میں اس کا مسکراتا ہوا چہرہ چھم سے لہرا گیا ۔۔۔۔
”کیسے اتنی تکلیف میں بھی مسکرا لیتا ہے وہ ؟؟؟۔۔۔کیسے ؟؟؟۔۔۔“ آہستہ سے پلک جھپکی تو دو آنسو ٹوٹ کر اس کی آنکھوں سے گرے۔۔۔۔
”تم نے آج تک عبدالمنان کے ساتھ جتنی نا انصافیاں کٸیں میں نے سب برداشت کر لیں۔۔۔۔۔۔پر اب جو تم کرنے جارہے ہو وہ ناانصافی نہیں۔۔۔۔ گناہ ہے۔۔۔اور یہ میں تمھیں کسی صورت نہیں کرنے دوں گا۔۔۔۔عبدالمنان کا بھی تمھاری جاٸیداد پر اتنا ہی حق ہے جتنا قاسم کا ہے۔۔۔۔میں نے تمھیں اس امید میں پاکستان بلایا تھا کے ایک بار اپنے بیٹے کا معصوم چہرہ دیکھ لو گے۔۔۔۔۔۔تو شاید تمھاری سوٸی ہوٸی محبت جاگ اٹھے۔۔۔۔اور تم اس بچے کا حق اسے دینے کے لئے تیار ہو جاؤ ۔۔۔پر نہیں۔۔۔تم تو آج بھی اتنے ہی پتھر دل ہو جتنے 23 سال پہلے تھے۔۔۔۔۔“شہاب صاحب تلخ لہجے میں فرح سے کلام کر رہے تھے۔۔۔
”میں نے آپ سے فون پر بھی کہا تھا۔۔۔اور میں اب پھر کہتا ہوں۔۔۔۔عبدالمنان سے میرا کوٸی تعلق نہیں۔۔۔۔“فرح قطعی انداز میں اعلان کرتے ہوۓ قاسم کو لے کر وہاں سے چلا گیا۔۔۔
”عبدالمنان کو ڈھونڈو ۔۔۔اور جلد سے جلد اسے میرے پاس لاٶ“شہاب صاحب کے حاکمانہ انداز میں کہتے ہی ان کے گارڈز عبدالمنان کو ڈھونڈنے نکل پڑے تھے۔۔۔۔
******—
—*******
اس کی کار ہوا سے باتیں کر رہی تھی۔۔۔۔۔
وہ ڈائریکٹ حویلی آیا تھا۔۔۔۔
”یہ کیا کر رہے ہو؟؟؟“عبدالمنان پوری جان سے تڑپ اٹھا تھا اپنے والد کو دیکھ۔۔۔۔ننھے سے دل پر لگے سارے زخم آج پھر تازہ ہوگٸے تھے۔۔۔۔اسے اپنے وجود سے بھی نفرت ہورہی تھی۔۔۔۔آج پھر اپنے وجود کو ختم کرنے کی ٹھانی تھی۔۔۔پنکھے سے ابھی وہ رسی باندھ ہی رہا تھا کے ناجانے وہ حسین و جمیل لڑکی کہاں سے نمودار ہوگٸی ۔۔۔۔وہ بہت پیار سے عبدالمنان سے استفسار کرنے لگی۔۔۔۔لیکن وہ کوٸی جواب نہیں دے رہا تھا۔۔۔۔
”خودکشی حرام ہے ۔۔۔کیا خبر نہیں تمھیں؟؟“اس حسین لڑکی کی آواز کانوں میں رس گھولتی ہوئی محسوس ہوئی۔۔۔۔
پر آج دل اس قدر غم سے نڈھال تھا کے عبدالمنان موت سے کم کسی چیز پر راضی نہ تھا۔۔۔
”میں سکون کا متلاشی ہوں۔۔۔۔اور یہ سکون شاید میری موت میں پوشیدہ ہے۔۔۔۔میں ختم ۔۔۔سب دکھ درد ختم۔۔۔“اس نے رسی باندھتے ہوۓ روہانسہ آواز میں کہا۔۔۔۔اس کے لہجہ شدتِ کرب کا پتا دے رہا تھا۔۔۔
”سکون کے متلاشی ہو۔۔ تو قرآن پڑھو۔۔۔۔ایمان و روح دونوں تازہ ہوجاٸیں گے۔۔۔۔خودکشی میں اگر سکون پوشیدہ ہوتا تو خدا اسے حرام قرار کیوں دیتا۔۔۔نادان لڑکے۔۔۔“اس دلربا کے چہرے پر حسین مسکراہٹ رقصاء تھی۔۔۔۔۔
اس کی چمک دار سبز آنکھیں عبدالمنان کے وجود کو دیوانوں کی طرح تک رہی تھیں۔۔۔۔
”میں اس وقت بات کرنے کی حالت میں نہیں ہوں۔۔۔تو پلیز یہاں سے جاٶ“وہ نہایت سرد لہجے میں دھاڑا ۔۔۔۔
پر وہ تو مانو پتھر کی تھی۔۔۔کوٸی اور ہوتی تو بےعزتی گمان کر کے رونے لگتی۔۔۔۔ پر وہ تو بجاۓ رونے یا جانے کے۔۔۔الٹا مسکرا مسکرا کر عبدالمنان کو دیکھنے لگی۔۔۔۔
”چلو مجھے بتاٶ ۔۔۔۔کیا غم لاحق ہے اس چھوٹی سی عمر میں تمھیں ؟؟“وہ محبت سے چور لہجے میں پوچھنے لگی۔۔۔
”مجھے اکیلا چھوڑ دو ۔۔۔۔سمجھ نہیں آرہا تمھیں ؟؟؟“وہ سختی سے اس کے وجود کو دیکھ گویا ہوا۔۔۔۔
”چلو نہ بتاٶ۔۔۔۔میں ہمزاد سے پوچھ لیتی ہوں“اس نے اطمینان بخش انداز میں کہا۔۔۔۔۔
”کیا؟؟۔۔۔۔کس سے پوچھو گی ؟؟“ وہ اسٹول سے نیچے اترتے ہوۓ الجھ کر استفسار کرنے لگا۔۔۔۔
”تمھارے ہمزاد سے“وہ مسکراتے ہوئے دوبارہ اپنی بات دہرانے لگی۔۔۔
”تم میرے ہمزاد سے کیسے بات کر سکتی ہو ؟؟؟۔۔۔تم کوٸی جادوگرنی ہو؟؟۔۔۔۔یا کوٸی عالِم ؟؟؟۔۔۔۔“وہ اس حسین و جمیل لڑکی کی بات سن۔۔۔ اپنی خودکشی بھول ۔۔۔۔حیرت سے پوچھنے لگا۔۔۔۔۔
”بتاٶ مجھے عبدالمنان کے ہمزاد کیا وجہ ہے اس لڑکے کے اتنے رنجیدہ رہنے کی؟؟؟۔۔۔۔“وہ حسین لڑکی اپنی نظریں عبدالمنان کے وجود پر ٹکاۓ تجسس سے استفسار کرنے لگی۔۔۔۔
”کس سے بات کر رہی ہو ؟؟؟۔“عبدالمنان ناسمجھی سے پوچھنے لگا۔۔۔۔
اسی لمحے ۔۔۔۔۔ایک اور عبدالمنان حاضر ہوا۔۔۔۔جو شکل و صورت و جسامت میں بلکل عبدالمنان جیسا تھا۔۔۔۔
یہ الگ بات تھی کے اسے صرف وہ حسین لڑکی دیکھ پارہی تھی۔۔۔۔
گویا عبدالمنان کی آنکھوں پر پردہ تھا۔۔۔۔
”میں عبدالمنان کا ہمزاد ہوں۔۔۔میں پیداٸش سے اس کے ساتھ پلا بڑا ہوں۔۔۔۔کیا جاننا چاہتی ہو مجھ سے ؟؟؟“
”کیوں خودکشی کر رہا ہے عبدالمنان ؟؟؟“اس حسین لڑکی کے پوچھتے ہی عبدالمنان کے ہمزاد نے سب بیان کردیا۔۔۔۔
اب اس حسین لڑکی کے آگے عبدالمنان کی پوری زندگی کھلی کتاب کی مانند تھی۔۔۔۔۔
”تم پاگل ہو کیا ؟؟؟۔۔۔۔لگتا ہے ذہنی توازن ٹھیک نہیں ہے تمھارا ؟؟۔۔۔۔۔فلحال اگر اپنی عجیب و غریب باتیں کر لیں ہوں تو جاٶ یہاں سے ۔۔۔۔۔سکون سے مرنے بھی نہیں دیتا یہاں کوٸی “یہ کہتا ہوا وہ واپس اسٹول پر چڑھ کر اپنے گلے میں پھندا ڈالنے لگا۔۔۔۔۔
”عبدالمنان عرف مانی۔۔۔۔۔۔۔بچپن سے آج تک اس جھوٹ کے سے ساتھ بڑا ہوا کے اس کے والدین ایک کار ایکسیڈنٹ میں انتقال کر گئے تھے۔۔۔۔جب وہ صرف دو سال کا تھا۔۔۔۔۔“ابھی اس حسین لڑکی نے اتنا کہا ہی تھا کے عبدالمنان کے کان کھڑے ہوگٸے مارے شاکڈ کے۔۔۔۔۔۔
”تمھیں کیسے پتا ؟؟؟“وہ تعجب بھری نگاہ سے اسے دیکھتے ہوۓ بولا۔۔۔۔۔
”دادا دادی نے ماں باپ کی کبھی کمی محسوس نہ ہونے دی۔۔۔۔۔۔وہ اپنے دادا دادی کی آنکھوں کا تارا تھا۔۔۔۔۔۔۔اسے دیکھ دیکھ کر ہی وہ دونوں جیتے تھے۔۔۔۔۔۔زندگی بہت خوبصورت گزر رہی تھی۔۔۔۔۔۔کے اچانک ایک دن دادی کی طبیعت خراب ہوگئی۔۔۔۔عبدالمنان نے گمان کیا ۔۔۔۔وہ جلد ٹھیک ہوجاٸیں گی۔۔۔۔۔۔کیونکے جان بسی تھی عبدالمنان کی ان میں ۔۔۔۔پر ایسا نہ ہوا۔۔۔۔۔۔آخری وقت میں وہ کسی فرح نامی شخص کو دیکھنے کی آخری خواہش ظاہر کرنے لگیں۔۔۔۔۔۔۔عبدالمنان پریشان ہوگیا۔۔۔۔۔۔یہ نام پہلے تو کبھی نہ سنا تھا ۔۔۔۔“
”تمھیں یہ سب کیسے پتا ؟؟؟۔۔۔۔۔“وہ حیران و پریشانی کے عالَم میں اس حسین لڑکی سے الجھ کر پوچھنے لگا۔۔۔۔۔
”دادی کے جنازے پر ایک فرح نامی شخص آیا۔۔۔جسے دیکھ عبدالمنان کے دادا پھوٹ پھوٹ کر رونے لگے۔۔۔۔۔اس دن عبدالمنان کو علم ہوا کے وہ یتیم نہیں تھا۔۔۔۔بلکے اس کے ماں باپ دونوں زندہ ہیں۔۔۔۔۔اس کی ماں دو سال کی عمر میں اپنے عاشق کے ساتھ رات کی تاریکی میں بھاگ گٸی تھی۔۔۔۔۔جس کی بےوفاٸی کا صدمہ عبدالمنان کا باپ برداشت نہیں کر پا رہا تھا۔۔۔۔اس نے عبدالمنان کو یہ کہ کر دادا کے پاس پھینک دیا کے اسے یتیم خانے میں چھوڑ آئیں۔۔۔۔اور خود ہمیشہ کے لٸے لندن سفٹ ہوگٸے۔۔۔۔۔وہاں دوسری شادی کرلی۔۔۔۔“
”چپ ہوجاٶ۔۔۔۔۔چپ ہوجاٶ پلیز۔۔۔۔“عبدالمنان کی پوری زندگی اس نے بیان کرنا شروع کر دی تھی
وہ چیختا ہوا اپنے دونوں کانوں پر ہاتھ رکھ ۔۔۔۔بیڈ پر بیٹھ گیا تھا۔۔۔۔۔یہ وہ تلخ حقیقت تھی جس سے عبدالمنان پورے ایک سال سے بھاگ رہا تھا۔۔۔۔۔
جب سے اس حقیقت کا علم ہوا تھا کے اس کی ماں ایک بھاگی ہوٸی بدکردار عورت تھی وہ جیتے جی مر گیا تھا۔۔۔۔
اور باپ کا زندہ ہوتے ہوۓ اپنا بیٹا نہ ماننا ۔۔۔اس کے دل پر بڑے گہرے زخم لگا گیا تھا۔۔۔۔
زندگی کی تلخ حقیقت جب اس پر آشکار ہوٸی تو مانو اسے اپنے وجود سے ہی نفرت ہونے لگی۔۔۔۔۔
اس قدر نفرت و کدورت کے وہ اس وجود کو ختم کردینا چاہتا ہے۔۔۔۔
”چپپپپپپپپپپ“وہ سر پکڑ کر اپنی پوری جان سے چیخا ۔۔۔۔
******—-–********
آنکھ کھلی تو خود کو ہسپتال کے ایک بیڈ پر لیٹا ہوا پایا ۔۔۔وہ حیرت سے اِدھر اُدھر نظر دوڑانے لگا۔۔۔۔۔
چہرے پر اسے دیکھتے ہی پیاری سی مسکراہٹ بکھر آٸی۔۔۔
اس کا ایک ہاتھ عبدالمنان کے حسین رخسار پر ۔۔۔۔۔دوسرا ہاتھ نیچے کی جانب لٹکا ہوا۔۔۔۔اپنا بھولا سہ چہرہ بیڈ پر ٹکا کر بے خبر زور و شور سے خراٹے لے کر سو رہی تھی۔۔۔۔
”بچی “اپنے رخسار پر مس ہوا وا۔۔۔۔۔۔شازمہ کا ہاتھ دیکھ۔۔۔۔۔ مسکرانے لگا۔۔۔۔
”اللہ اللہ ۔۔۔۔اتنی زور سے خراٹے لے رہی ہے۔۔۔۔اسے ریکارڈنگ کا بڑا شوق ہے ناں۔۔۔۔اب دیکھو بچی میں کیا کرتا ہوں۔۔۔“اس نے آہستہ سے اس کا ہاتھ اپنے رخسار سے ہٹا کر بیڈ پر رکھا اور اٹھ کر بیٹھا۔۔۔۔
بیڈ کے برابر والی ٹیبل پر شازمہ کا سیل رکھا ہوا تھا۔۔۔۔۔
اس کے سیل پر پاس ورڈ دیکھ منہ بسورنے لگا۔۔۔۔
” کیا پاس ورڈ ہو سکتا ہے بچی کا ؟؟“وہ سوچ میں پڑھ گیا تھا۔۔۔۔اگلے ہی لمحے چہرے پر پُرسرار مسکراہٹ بکھر آٸی۔۔۔۔
”شاید مجھے پتا ہے پاس ورڈ کیا ہوسکتا ہے ۔۔“اس نے کہ کر اپنے اندازے کے مطابق پاس ورڈ ڈاٸل کیا۔۔۔۔
”پتا تھا مجھے ۔۔۔۔یہی پاس ورڈ ہوگا۔۔۔۔واہ عبدالمنان تم تو جینیس ہو۔۔۔۔“وہ اپنے کندھے پر فخرانہ تھپ تھپاتے ہوئے خود ہی کو داد دینے لگا۔۔۔
اس نے شازمہ کے خراٹے ریکارڈ کر کے اپنے سیل پر یہ ریکارڈنگ سینڈ کر دی تھی۔۔۔اور ساتھ ساتھ اس کے سیل سے ڈیلیٹ بھی۔۔۔۔
موقع واردات سے اس نے سارے ثبوتوں کو مٹا دیا تھا اور سیل واپس اس کی جگہ پر رکھ کر آہستگی سے واپس لیٹ گیا۔۔۔۔شازمہ کا ہاتھ بھی واپس اپنے رخسار پر رکھ کر آنکھیں بند کرلیں۔۔۔
”پانی پانی “اس نے پانی کی پکار لگاٸی تو شازمہ فورا چونک کر اٹھی۔۔۔۔
”ابھی دیتی ہوں “اس نے جگ سے پانی نیکال کر اسے سہارے سے اٹھایا ۔۔۔۔
”شکریہ “ اس نے پانی پیتے ہی شکریہ ادا کیا ۔۔۔
”میں یہاں کیسے آیا ؟؟“عبدالمنان الجھ کر …
”تمھیں پینک اٹیک آیا تھا ۔۔۔۔۔“اس نے افسردگی سے جواب دیا۔۔۔
”کیا؟؟۔۔۔۔“یہ سن وہ ناسمجھی میں اپنا سر کھجانے لگا۔۔۔۔
”تم ٹھیک تو ہو ناں مانی ؟؟“وہ فکرمند لہجے میں پوچھنے لگی۔۔۔۔
”میری چھوڑو ۔۔۔۔تم ٹھیک ہو؟؟۔۔“عبدالمنان کے پوچھنے پر وہ اثبات میں سر ہلانے لگی۔۔۔۔
”تم کیا بہت روٸی تھیں ؟؟“اس کی آنکھیں سوجھی سوجھی سی معلوم ہو رہی تھیں۔۔۔عبدالمنان نے آنکھوں میں جھانکتے ہوۓ پوچھا تو فورا نفی میں گردن کو جمبش دینے لگی۔۔۔۔
”میرے لٸے روٸی ہو ؟؟“وہ شوخی سے اپنا چہرہ اس کے قریب کر ابرو اچکا کر پوچھنے لگا۔۔۔
”نہی۔۔۔۔نہیں تو۔۔۔۔“وہ بوکھلا کر بولی۔۔۔۔
”وہ تو آنکھوں میں کچرا چلا گیا تھا میرے ۔۔۔۔“اس نے اکڑ کر اپنا بھرم قاٸم رکھنا چاہا۔۔۔۔
جس پر وہ مسکراتے ہوۓ اپنی پیشانی بڑی محبت سے اس کی پیشانی سے ٹکرا دیتا ہے۔۔۔
”آہ۔۔۔“وہ اپنی پیشانی مسلتے ہوۓ عبدالمنان کو گھوری سے نوازنے لگی۔۔۔۔
”تو وہ فرح تمھارا ۔۔۔۔“وہ کہتے کہتے رک گٸی۔۔۔۔
”ہاں۔۔۔۔وہ فرح میرا باپ ہے۔۔۔۔میں اس کی جاٸز اولاد ہوتے ہوۓ بھی ایک گالی ہوں۔۔۔۔“عبدالمنان نہایت رنجیدہ ہوکر اپنی آنکھوں پر ہاتھ پھیرتے ہوۓ گویا ہوا۔۔۔۔۔
شازمہ نے محسوس کرلیا تھا کے وہ اپنے آنسو چھپا رہا ہے۔۔۔۔
”سوری۔۔۔ ۔۔میں بھی کیا فالتوہ ٹوپک لے کر بیٹھ گئی۔۔۔“ اس نے مصنوعی مسکراہٹ لبوں پر سجائے کہا۔۔۔۔
”ہممم۔۔۔۔پر۔۔۔“وہ سنجیدگی سے بولا۔۔۔۔جس پر وہ تجسس سے ۔۔۔
”پر کیا ؟؟“
”پر تم علمندی والی باتیں بھی تو نہیں کر سکتیں ناں۔۔۔۔میں سمجھ سکتا ہوں۔۔۔۔اس لٸے فالتوہ باتیں کنٹینیو کرو۔۔۔ میں سن رہا ہوں“اس کے مزاحیہ انداز میں کہتے ہی شازمہ نے گھور کر دیکھا تھا۔۔۔۔
”مانی ۔۔۔میں صرف تمھارے بیمار ہونے کا لحاظ رکھ رہی ہوں۔۔۔۔او۔کے۔۔۔۔“وہ دانت پیستے ہوۓ سمجھانے لگی۔۔۔۔
”بوڑھے بابا کہاں ہیں ؟؟“اس نے ابرو چڑھا کر پوچھا ۔۔۔۔
”بوڑھے بابا۔۔۔وہ صبح ہی گٸے ہیں یہاں سے۔۔۔۔۔۔۔۔ان کی کوٸی میٹنگ تھی۔۔۔۔پر کہ کر گٸے ہیں واپسی پر یہیں آٸیں گے۔۔۔پتا ہے پوری رات یہاں تمہارے پاس ہی بیٹھے رہے ۔۔۔۔ان کی آنکھیں بار بار ابدیدہ ہو جا رہی تھی تمہیں دیکھتے ہوئے “شازمہ کے بتانے پر اس کے چہرے پر کوئی تاثر نہ آیا تھا ۔۔۔۔
”اچھا بے۔بی سیٹر جی ایک کام کرٶ ۔۔۔سامنے صوفے پر جاکر آرام سے سو جاٶ۔۔۔“عبدالمنان واقف تھا کے وہ ضرور پوری رات جاگی ہوگی اس کی خاطر۔۔۔۔بس بولے گی نہیں۔۔۔۔۔
”نہیں۔۔۔۔مجھے ابھی نیند نہیں آرہی ۔۔۔“اس نے نفی میں گردن ہلاتے ہوۓ کہا۔۔۔۔۔
”زرمین ۔۔۔۔۔وہ کہاں ہے ؟؟“عبدالمنان کے زرمین کا نام لیتے ہی شازمہ کا چہرہ سفید پڑنے لگا تھا۔۔۔
”اس کا نام مت لیا کرٶ۔۔۔۔مجھے ڈر لگتا ہے “وہ گھبرا کر بولی۔۔۔
”بچی میں سیرس پوچھ رہا ہوں ۔۔۔۔وہ کہاں ہے ؟؟“وہ سنجیدگی سے بولا۔۔۔۔
”تو میں کون سہ مزاق کر رہی ہوں۔۔۔۔مجھے واقعی اس سے ڈر لگتا ہے۔۔۔“وہ جتاتے ہوۓ گویا ہوٸی۔۔۔۔۔
”کیا چڑیلیں بھی ڈرتی ہیں ؟؟“وہ معصومانہ انداز میں تجسس سے پوچھنے لگا۔۔۔
”پتا نہیں۔۔۔۔اپنی زرمین سے جاکر پوچھو ۔۔۔وہ بہتر جواب دے سکے گی“وہ دانت کچکچاتے ہوۓ کھاجانے والی نگاہ سے گھورتے ہوۓ بولی۔۔۔
”ایک عجیب بات شیٸر کرٶں؟؟“عبدالمنان ابرو اچکاکر گھمبیر لہجے میں استفسار کرنے لگا۔۔۔۔۔
”اگر کوٸی فالتوہ کا جوک ہوا تو ناک توڑ دوں گی تمھاری “وہ غرا کر وارننگ جاری کرتے ہوئے گویا ہوئی۔۔۔۔
”میری ناک کی دشمن ۔۔۔۔اس وقت میں سیرس ہوں۔۔۔تم ہی فالتوہ میں سیرس سین کو کامیڈی بنانے پر تلی ہو۔۔۔۔“اس نے سر جھٹکتے ہوۓ جواب دیا۔۔۔۔۔
”بتاٶ پھر۔۔“وہ اشتیاق سے اس کی جانب دیکھتے ہوۓ۔۔۔۔
”وہ ہم زاد سے باتیں کرسکتی ہے “
”ہمزاد ؟؟۔۔۔۔اب یہ کیا بلا ہے ؟؟؟؟۔۔۔۔۔“وہ الجھ کر
”اففففففف۔۔۔۔۔بچی۔۔۔۔۔تمھیں ہم زاد نہیں پتا ؟؟“ وہ اپنا سر پکڑ حیرت سے پوچھنے لگا۔۔۔۔
”نہیں ۔۔۔۔“وہ معصومیت سے نفی میں گردن ہلانے لگی۔۔۔
”تم کیا کرٶ گی بڑے ہوکر ؟؟“وہ جھنجھلاکر بولا۔۔۔۔
”شادی “وہ اپنے خوبصورت چہرے کو ہاتھوں سے چھپاکر شرماتے ہوۓ بولی۔۔۔۔
”آج کل کے بچوں کے خواب بھی بس شادی تک محدود ہوگٸے ہیں “وہ منہ بسور کر طنزیہ کہنے لگا۔۔۔۔
”ہاں ہاں۔۔۔۔۔تم تو چالیس پچاس سال کے بوڑھے ہو نا ۔۔۔۔“وہ طنزیہ مسکراہٹ لبوں پر سجاۓ بولی۔۔۔۔پھر اپنی آواز بھاری کرتے ہوۓ عبدالمنان کی نقل اتارنے لگی۔۔۔”آج کل کے بچوں“ابھی وہ بول ہی رہی تھی کے عبدالمنان نے اس کے سر پر ہلکی سی دھپ لگاٸی۔۔۔۔۔
”ایسی کیوٹ حرکتیں مت کیا کرٶ۔۔۔۔۔“وہ ٹوکتے ہوۓ بولا۔۔۔۔۔
”کیوں؟؟۔۔۔۔اچھی لگتی ہوں؟؟؟“وہ آنکھیں ٹما ٹماتے ہوۓ اترا کر بولی۔۔۔۔
”تمھاری طبیعت تو ٹھیک ہے نا؟؟۔۔۔۔۔دواٸی کھا کر نہیں آٸیں کیا ؟؟“اس نے مضحکہ انداز میں کہا۔۔۔۔
”ہاں۔۔۔۔تم نے جو ساری کھالی تھیں “وہ منہ چڑا کر بولی۔۔۔
”ویسے ہمزاد سے باتیں کرنا کوٸی بڑی بات ہے؟؟۔۔۔۔اور یہ ہمزاد ہے کون؟؟۔۔۔۔کوٸی رشتے دار اس کا؟؟؟۔۔۔۔۔“اس کے سوالات سن عبدالمنان اپنا سر پکڑ رہا تھا۔۔۔۔۔
”ہاں رشتے دار ہے۔۔۔۔پر اس کا نہیں۔۔۔۔تمھارا۔۔۔“وہ دانت پیستے ہوئے طنزیہ گویا ہوا ۔۔۔۔
”میرے رشتے دار اتنے عجیب ناموں والے نہیں ہیں۔۔۔او۔کے۔۔۔۔“وہ منہ چڑھاتے ہوۓ بولی۔۔۔۔
”اب بتا بھی دو۔۔۔۔“عبدالمنان اس کی معصومیت پر ابھی چہرے کے ایکسپریشن دے ہی رہا تھا کہ وہ بے تابی سے بولی
”ہمزاد ایک قسم کا جن ہے۔۔۔۔جب انسانی بچہ پیدا ہوتا ہے تو اس کے ساتھ ساتھ ایک جن بھی پیدا ہوتا ہے۔۔۔۔اسی جن کو فارسی میں ہمزاد کہتے ہیں۔۔۔۔۔“
”اوووووو۔۔۔۔۔تو کیا ہمزاد میرے ساتھ بھی پیدا ہوا ہے ؟؟“وہ بھولہ سہ چہرہ بناکر تجسس سے پوچھنے لگی۔۔۔۔
”تم انسان کی بچی نہیں ہو کیا؟؟“اس نے سپاٹ سہ جواب دیا۔۔۔۔جس پر وہ جوابًا عجیب عجیب منہ بنانے لگی۔۔۔۔
”تو یہ ہمزاد نامی جن کیا کرتا ہے ؟؟“اس کے ذہن میں پھر ایک سوال آیا تھا جو وہ فورا ہی عبدالمنان سے پوچھنے لگی۔۔۔۔
”یہ گمراہ کرنے کا کام کرتا ہے۔۔۔۔ مومنوں پر تو اتنا خاص اثر انداز نہیں ہو پاتا ۔۔۔پر کافروں کے یہ سر چڑھ کر بولتا ہے۔۔۔۔“
”الحَمْدُ ِلله۔۔۔میں تو مسلمان ہوں۔۔۔“وہ مسرت بھرے لہجے میں بولی۔۔۔۔۔
”ایک منٹ۔۔۔۔۔تمھیں سمجھ آرہا ہے ۔۔۔میں کیا بتانا چاہ رہا ہوں؟؟“وہ اسے خوش ہوتا دیکھ منہ بسور کر پوچھنے لگا۔۔۔۔کیونکہ اس کی نظر میں وہ بات کے اصل مفہوم تک نہیں پہنچ پا رہی تھی ۔۔۔۔
”ہاں“وہ اثبات میں سر ہلاتے ہوۓ۔۔۔۔
”تمھیں عجیب نہیں لگ رہا ۔۔۔اس کا ہم زاد سے باتیں کرنا ؟؟“وہ الجھی نگاہ سے تکتے ہوۓ۔۔۔۔۔
”نہیں۔۔۔۔۔زرمین ایک جنی ہے۔۔۔۔ہمزاد ایک جن ہے۔۔۔۔دونوں نے بات کرلی۔۔۔۔۔اس میں کیا عجیب ہے؟؟؟۔۔۔۔۔“گویا نہایت سادگی سے اس نے الجھی ہوئی پہیلی کو سلجھا دیا ۔۔۔۔
”زرمین انسان ہے۔۔۔“وہ خاصہ زور دیتے ہوۓ بولا۔۔۔۔۔
”جی ۔۔۔نہیں۔۔۔۔مانا میرے پاس تمھارے جتنا علم نہیں۔۔۔۔پر اتنا تو مجھے بھی پتا ہے کے انسان روپ نہیں بدلتے ۔۔۔پر وہ بدلتی ہے۔۔۔۔۔اور میں نے خود دیکھا ہے۔۔۔۔“وہ ڈٹ کر بولی۔۔۔۔
”ایسا کچھ نہیں ہے۔۔۔۔تمھیں وہم ہوا تھا بس۔۔۔۔“وہ شازمہ کی بات پر ۔۔۔۔۔ابھی بھی اپنے پرانے موقف پر قائم تھا۔۔۔۔
”تم مانتے کیوں نہیں وہ جنی ہے ؟؟“وہ ابرو اچکاتے ہوۓ جھنجھلاکر استفسار کرنے لگی۔۔
”پاگل ہوں ؟؟؟۔۔۔۔۔۔ اتنی حسین و جمیل لڑکی کو جنی مان کر خود پر حرام کرلوں۔۔۔۔۔“پھر ایک ٹھنڈی آہ بھرتے ہوۓ۔۔۔۔”ہاۓۓ۔۔۔کیا دیکھتی ہے ۔۔۔۔۔قسم سے ۔۔۔۔دل خوش ہوجاتا ہے اس کی ایک جھلک دیکھتے ہی ۔۔۔۔وہ گانا ہے ناں۔۔۔۔
دل کو قرار آیا ۔۔۔۔
تجھ ہے پیار آیا۔۔۔۔“ ابھی وہ تپانے کا فرض ادا کرنے میں ہی لگا تھا کے شازمہ نے جل کر اس پر پانی سے بھرا جگ الٹ دیا۔۔۔۔۔
”آہہہہہ۔۔۔۔یہ کیا حرکت تھی ؟؟؟“وہ ایک دو ثانیوں کے لٸے تو ہڑبڑا گیا ۔۔۔۔۔پھر اپنا منہ صاف کرتے ہوۓ بھڑک کر پوچھنے لگا۔۔۔۔۔
”بوڑھے بابا کہ کر گٸے ہیں عبدالمنان کو ہوش میں آنے کے بعد کہیں جانے مت دینا۔۔۔تو سوری مانی صاحب ۔۔۔ پر ابھی آپ کا تصوری دنیا کا راستہ بلاک ہے۔“چہرے پر معصومانہ مسکراہٹ سجاکر ۔۔۔۔۔الفاظ چباتے ہوۓ کہ رہی تھی۔۔۔۔
جس پر وہ دانت کچکچاتے ہوۓ اسے گھوری سے نوازنے لگا۔۔۔۔
جبکے دل ہی دل اس کے تپنے پر خوب لطف لے رہا تھا۔۔۔
”اب کپڑے چینج کرنے پڑیں گے۔۔۔“کہتا ہوا وہ منہ بسور کر کھڑا ہوا۔۔۔۔۔
شازمہ وہاں رکھی میگزین اٹھاکر دیکھنے لگی۔۔۔۔
”بچی ۔۔۔۔۔یہ کون سے بابا آدم کے کپڑے اٹھاکر لے آٸی ہو؟؟۔۔۔۔“وہ شرٹ لیس حالت میں شازمہ کے سامنے آکر۔۔۔۔اسےہاتھ میں پکڑی ہوٸی شرٹ منہ بسور کر دیکھاتے ہوۓ کہ رہا تھا۔۔۔
”مانی تھوڑی شرم کرٶ۔۔۔“اس حسین لڑکے کو دیکھ وہ مبہوت ہوگٸی تھی۔۔۔۔پر اگلے ہی لمحے اپنا سر جھٹک کر آنکھوں پر ہاتھ رکھتے ہوۓ شرمگی سے کہنے لگی۔۔۔۔اس کا ری۔ایکشن دیکھ عبدالمنان زیرِ لب مسکرانے لگا تھا۔۔۔۔
”زیادہ نخرے مت دیکھاٶ۔۔۔اور چپ کر کے پہن لو“ شازمہ آنکھوں پر ہاتھ رکھے اس کی جانب اپنا حسین چہرہ بلند کرتے ہوۓ بولی۔۔۔۔
دھوپ کی کرنیں اس بھولی سی لڑکی کے چہرے کا حسن دوبالا کر رہی تھیں۔۔۔۔
اس کی نگاہ شازمہ کے حسین ہونٹوں پر آکر ٹھر گٸی تھی۔۔۔۔۔
دل نے مانو اسپیڈ پکڑ لی ۔۔۔۔
لبوں پر تبسم خود بہ خود بکھر آٸی ۔۔۔۔
ٹک ٹکی باندھے اس کا حسین چہرہ دیکھنے لگا۔۔۔۔
”خودی پہن لو۔۔۔یہ بابا آدم کے زمانے کی شرٹ“اس نے فورا اپنا دل تھاما تھا۔۔۔۔۔۔۔اپنے جذبات پر قابو پاتے ہوئے ۔۔۔۔۔شرٹ اس کے حسین چہرے پر ڈال کر بڑبڑاتا ہوا چلا گیا۔۔۔
”ہوووو۔۔۔نخرے تو دیکھو جناب کے۔۔۔۔اتنی پیاری شرٹ سمجھ نہیں آرہی ۔۔۔ٹھیک ہے ۔۔۔میں لے لیتی ہوں۔۔۔۔اتنی پیاری لگوں گی پہن کر۔۔۔۔“وہ شرٹ خود پر لگاتے ہوۓ ایکسائٹڈ ہوکر بولی۔۔۔
جس پر وہ مسکراتے ہوۓ اسے دیکھنے لگا۔۔۔۔
”ہاں۔۔۔۔ پہن کر مجھے ضرور دیکھانا۔۔۔۔“وہ شرارتی انداز میں گویا ہوا۔۔۔۔۔
”مانی ۔۔“ابھی وہ بول ہی رہی تھی کے عندالمنان نے چیخنا شروع کردیا۔۔۔۔
اس کی دوسری شرٹ کا گلا کافی چھوٹا ہونے سبب پیشانی پر ہی اٹک گیا تھا۔۔۔۔
”بچی۔۔۔۔مدد کرٶ۔۔“
”اب کیا ہوگیا ؟؟“وہ بےزاری سے کہتے ہوۓ اس کی جانب دیکھنے لگی۔۔۔۔
”بچی۔۔۔مدد کرٶ یار۔۔۔۔میں پھنس گیا ہوں۔۔“اس کی پکار سن تیزی سے میگزین سامنے میز پر رکھ کر۔۔۔ اس کی جانب بڑھی۔۔۔۔۔
”ہو گیا۔۔۔بس“اس نے آکر شرٹ کا گلا نیچے کی جانب کھینچا تھا۔۔۔۔۔” کبھی کبھار تو تم مجھے چھوٹے سے بچے لگتے ہو۔۔۔۔جو ہر بات پر پینک کرنا شروع کر دیتا ہے۔۔“وہ اس کی پیشانی پر ہلکا سہ ہاتھ مارتے ہوۓ بولی۔۔۔۔
”پر جب سے تمھیں قریب سے جانا ہے۔۔۔۔میں حیران ہوں اتنے درد کیسے چھپا لیتے ہو ۔۔۔۔ذرا بھی ماتھے پر شکن آنے نہیں دیتے۔۔۔۔ذرا ۔۔۔“شازمہ اس کے قریب آکر آنکھوں میں جھانکتے ہوۓ رنجیدہ رنجیدہ لہجے میں ابھی بول ہی رہی تھی کے دروازہ نوک ہوا۔۔۔۔۔
”تم ؟؟“ قاسم کو دیکھ عبدالمنان منہ بسور کر اپنی شرٹ کی آستینوں میں ہاتھ ڈالنے لگا۔۔۔۔
”آجاٶں؟؟“وہ مسکراتے ہوۓ اجازت طلب کرنے لگا۔۔۔۔۔
”ضرورت نہیں“عبدالمنان سپاٹ سہ جواب دے کر صوفے پر اوندھے منہ کر کے لیٹ گیا تھا۔۔۔۔”اس کباب میں ہڈی کو بھی ابھی آنا تھا “وہ منہ ہی منہ بڑبڑا رہا تھا
قاسم کو ناگوار گزرا تھا عبدالمنان کا اسطرح منع کرنا۔۔۔پر شازمہ کی خاطر وہ اس رویہ کو مکمل اگنور کر گیا۔۔۔۔۔
اس بار قاسم نے آنکھوں کے اشارے سے شازمہ سے اجازت طلب کی اندر آنے کی۔۔۔۔
تو وہ مسکراتے ہوۓ اثبات میں سر ہلانے لگی۔۔۔۔
”آپ کے لٸے “قاسم گلاب کے پھولوں سے بھرا ہوا گلدستہ شازمہ کی جانب بڑھا کر مسکراتے ہوئے بولا۔۔۔۔
”کیا؟؟۔۔۔۔میرے لٸے؟؟“وہ تعجب سے ۔۔۔۔
عبدالمنان کے فورا کان کھڑے ہوگٸے تھے ۔۔۔وہ تیزی سے سیدھا ہوکر قاسم کو کھاجانے والی نگاہ سے گھورنے لگا۔۔۔
”میرا مطلب عبدالمنان کے لٸے۔۔۔۔آپ اس کا خیال رکھتی ہیں ۔۔۔اس لٸے آپ کو دے رہا ہوں“قاسم نے بات بنانے کی کوشش کی۔۔۔۔۔جس میں وہ کامیاب بھی ہوگیا۔۔۔۔شازمہ نے مسکراتے ہوئے اس کے ہاتھ سے گلابوں سے بھرا گلدستہ لے لیا تھا۔۔۔۔۔۔
”ہممم۔۔۔۔کتنی پیاری مہک آرہی ہے ان میں سے۔۔۔شکریہ “وہ تازے پھولوں سے اٹھنے والی مہک کو سونگتے ہوئے مسکرا کر بولی۔۔۔۔۔
جس پر قاسم کا دل مسرت سے بھر آیا۔۔۔۔
”آپ کو اچھے لگتے ہیں گلاب ؟؟“وہ تجسس سے استفسار کرنے لگا۔۔۔۔
عبدالمنان اس کی آنکھوں کی چمک دیکھ بری طرح جل گیا تھا۔۔۔۔
”لگتے بھی ہیں ۔۔۔تو تمھیں کیا کرنا ہے جان کر ؟؟“ وہ دونوں کے بیچ میں کود کر ۔۔۔شازمہ کے ہاتھ سے پھولوں کا گلدستہ لیتے ہوئے ۔۔۔۔۔ تفتیشی افسران کی طرح تیمور چڑھاۓ پوچھنے لگا۔۔۔۔
”میں نے تو ایسے ہی پوچھ لیا تھا“ اسے گمان ہوا کے عبدالمنان نے اس کی چوری پکڑی ہو۔۔۔۔وہ مسکراتے ہوۓ اپنی جھیپ مٹانے لگا۔۔۔۔۔
”ویسے مارکیٹ میں پھولوں کی کمی ہوگئی تھی کیا؟؟۔۔۔۔جو گلابوں سے بھرا گلدستہ لے آئے ہو؟؟۔۔۔۔۔شاید تمھیں پتا نہیں۔۔۔۔پر مجھے گلاب بلکل اچھے نہیں لگتے۔۔۔۔ان میں بڑے کانٹے چھپے ہوتے ہیں“قاسم کو اس کا لہجہ چبھتے ہوئے معلوم ہوا۔۔۔۔
”واپس لے جاٶ اسے۔۔۔۔۔اور براۓ مہربانی واپس آکر ہمیں ڈسٹرب مت کرنا۔۔۔“اس نے سرد مہری سے کہ کر شازمہ کی کمر میں ہاتھ ڈال کر اسے اپنے قریب کیا۔۔۔۔
جس پر شازمہ حیرت سے اس کی جانب دیکھنے لگی۔۔۔۔۔
قاسم کے تن بدن میں آگ لگی تھی عبدالمنان کی اس حرکت پر۔۔۔۔۔
”آہہہہ“شازمہ نے نہ آٶ دیکھا نہ تاٶ ۔۔۔اس بار قاسم کے سامنے ہی عبدالمنان کی ناک پر اپنی پوری قوت سے مکا دے مارا۔۔۔۔جس پر وہ ناک پکڑ کر چیخا۔۔۔۔۔
جبکے قاسم نے بڑی مشکل سے اپنی ہنسی ہونٹوں میں دباٸی تھی۔۔۔۔۔
”کہا تھا ناں۔۔۔۔دوبارا ٹچ کرنے کی غلطی مت کرنا۔۔۔۔“شازمہ نے غصے سے بھپر کر سخت لہجے میں کہا۔۔۔۔
”کیوں بچے کی ناک کے پیچھے ہی پڑ گٸی ہو ظالمہ؟؟“وہ اپنی ناک مسلتے ہوۓ دہائی دینے لگا۔۔۔۔۔
قاسم اس معصوم سی لڑکی کی جرت دیکھ سو سو جان فدا ہوا تھا۔۔۔۔۔ساتھ ساتھ اس کا دل اطمینان پا گیا تھا کے شازمہ اور عبدالمنان کے درمیان کوٸی تعلق نہیں ہے۔۔۔۔
”جی جی۔۔۔۔میں آپ لوگوں کو بلکل بھی ڈسٹرب نہیں کروں گا“ وہ عبدالمنان کا مزاق اڑاتے ہوۓ کہنے لگا۔۔۔۔۔
”تم اس کے سامنے تھوڑی عزت نہیں رکھ سکتی تھیں میری ؟؟؟“ قاسم کے جاتے ہی وہ شازمہ پر چڑاٸی کرنے لگا۔۔۔۔۔
”نہیں۔۔۔۔“وہ عبدالمنان کے منہ پر سپاٹ سہ جواب دے کر واپس میگزین کھول کر …..بیٹھ گئی۔۔۔۔
عبدالمنان مسلسل اسے گھور رہا تھا ۔۔۔۔۔اس کی آنکھوں کی تپش شازمہ کو اپنے چہرے پر محسوس ہورہی تھی ۔۔۔۔
”کیا؟؟۔۔۔ایسے کیوں دیکھ رہے ہو؟؟۔۔۔“وہ ابرو اچکاکر۔۔۔
”تمھیں پتا بھی ہے بےوقوف بچی۔۔۔۔تم نے کَیا کِیا ہے؟؟۔۔۔۔“وہ دانت پیستے ہوۓ اس کے سر کے پاس کھڑا ہوکر ۔۔۔دونوں ہاتھ فولٹ کرتے ہوۓ بولا۔۔۔۔۔۔
”ہاں۔۔۔۔۔ایک ٹھرکی کی ناک پھوڑی ہے۔۔۔۔“وہ بھی کمر پر ہاتھ جماکر جیسے میدان میں آٸی۔۔۔
”ہاں۔۔۔۔بلکل ۔۔۔۔ اپنی عقلمندی کا اعلی ثبوت دیتے ہوئے۔۔آپ نے چھوٹے ٹھرکی کی ناک پھوڑ کر بڑے ٹھرکی کو گرین سگنل دیا ہے۔۔۔۔ویسے آپس کی بات ہے۔۔۔جب عقل بٹ رہی تھی تب چھنی لے کر کھڑی ہوٸی تھیں ؟؟۔۔۔۔“اس کے طنزیہ کہتے ہی شازمہ کی پیشانی پر بل نمودار ہوۓ۔۔۔۔
”ہر کسی کو اپنی طرح مت سمجھو۔۔۔۔۔۔وہ بیچارا اتنا اچھا ہے ۔۔۔۔تم اس کے سوتیلے بھاٸی ہو۔۔۔۔پھر بھی تمھارے لٸے اتنے پیارے پھول لے کر آیا۔۔۔۔۔۔“شازمہ کو قاسم کی حمایت کرتا دیکھ اس کی ٹھیک ٹھاک تپی تھی۔۔۔۔
”ہاۓۓۓ۔۔۔۔۔قربان جانے کا دل کررہا ہے تمھاری معصومیت دیکھ۔۔۔۔۔وہ ایک پلے بوائے ہے۔۔۔۔جسے تم بیچارا بیچارا کر رہی ہو۔۔۔۔“وہ بھڑک کر قاسم کی ریل پرسنیلٹی سے اس کا تعرف کرانے لگا ۔۔۔۔۔
”تو کیا بڑی بات ہے۔۔۔۔تم بھی تو ایک پلے بواۓ ہو “وہ کندھےاچکاکر لاپرواہی سے بولی۔۔۔۔
”میں (ہوں)۔۔۔۔نہیں۔۔۔۔۔(تھا)۔۔۔۔۔۔۔اور وہ کمینا ابھی بھی( ہے)۔۔۔۔۔اس (تھا) اور (ہے) میں۔۔۔۔ جو فرق ہے۔۔۔۔پلیز بے۔بی سیٹر جی اسے سمجھو ۔۔۔۔۔۔“عبدالمنان سنجیدگی سے کہتا ہوا صوفے پر لیٹ گیا۔۔۔۔۔
”مانی۔۔۔۔۔اگر ہمزاد شروع سے ہمارے ساتھ رہتا ہے۔۔۔تو اسے تو ہمارے بارے میں ساری انفارمیشن ہو گی۔۔۔۔ہے ناں؟؟“وہ تجسس سے پوچھنے لگی۔۔۔۔
”بلکل ۔۔۔۔اسے ساری انفارمیشن ہوتی ہے۔۔۔۔پر تم یہ اچانک کیوں پوچھ رہی ہو ؟؟“وہ ابرو اچکاکر۔۔۔۔۔
”تو اس کا مطلب۔۔۔۔۔ اب زرمین کے پاس تمھاری ساری انفارمیشن ہے“اس نے گھمبیر لہجے میں عبدالمنان کو دیکھ کہا۔۔۔۔۔
Rooh E Ishq Novel By Husny Kanwal Read Online
Rooh E Ishq Novel By Husny Kanwal Download PDF
