The novel Bin Tere Sanam by Laiba Sami is a romantic Urdu novels pdf, written by a famous Pakistani novelist Laiba Sami. You can download or read this novel online complete from here in PDF format.
Novel Name : Bin Tere Sanam
Writer Name: Laiba Sami
Category : ROMANTIC NOVELS,
Status: Completed
Intresting Part Of Bin Tere Sanam by Laiba Sami
Bin Tere Sanam
نہیں بیٹا ایسے نہیں بولتے تمہیں معلوم ہے جب اللہ تعالٰی کسی کے ساتھ خیر کی امید کرتا ہے نہ تو وہ اسے اسکے گناہوں کا احساس دلا کر توبہ کی جانب لاتا ہے۔۔۔۔۔۔۔۔۔توبہ کی توفیق اللہ تعالیٰ کی طرف سے ہوتی ہے۔۔۔۔ اللہ تعالیٰ بہت مہربان ہے ۔۔۔۔۔ تمہیں معلوم ہے نبی کریم صلی اللہ علیہ وسلم کا فرمان ہے کہ
عن أبي هريرة -رضي الله عنه- مرفوعاً: «إنَّ اللهَ قال: إذا تَلَقَّاني عبدي بشِبر، تَلَقَّيْتُه بذِراع، وإذا تَلَقَّاني بذراع، تَلَقَّيْتُه ببَاع، وإذا تَلَقَّاني بباع أتيتُه بأسرع».
[صحيح.] – [رواه مسلم.]
ابو ہُریرہ رضی اللہ عنہ سے روایت ہے کہ نبی ﷺ نے فرمایا: ”اللہ تعالیٰ نے فرمایا جب میرا بندہ ایک بالشت میری طرف بڑھتا ہے تو میں ایک ہاتھ اس کی طرف بڑھتا ہوں اور اگر وہ ایک ہاتھ میری طرف بڑھتا ہے تو میں چار ہاتھ اس کی طرف بڑھتا ہوں اور جب وہ میری طرف چار ہاتھ بڑھتا ہے تو میں تیزی سے اس کی طرف بڑھتا ہوں“۔
یعنی میرا اللہ چاہتا ہے ہم اس سے توبہ کریں وہ ہمیں معاف کردے گا ۔۔۔۔۔۔ نیک کام کرنے کی صرف کوشش ہی کرلو ۔۔۔۔ وہ کوشش پر بھی تمہیں ثواب دے گا۔۔۔۔ مگر نیت خالص اللہ کے لیے ہو ۔۔۔۔ اس میں کھوٹ یا ریاکاری نہ ہو۔۔۔۔۔۔۔ یعنی وہ میرا اللہ ہم سے کتنی محبت کرتا ہے۔۔۔۔۔۔۔۔ وہ تو بڑا غفور الرحیم ہے ۔۔۔۔۔اللہ نے سورۃ الزمر میں ارشاد فرماتا ہے اپنے ان بندوں کے لیے جو گناہ کر بیٹھے ہیں اپنی جانوں پر ظلم کر بیٹھے ان کے لیے کہ۔۔۔۔ ۔۔۔۔۔۔۔۔۔۔۔۔۔توبہ کے دروازے ابھی بھی انکے لیے کھلے ہیں ۔۔۔ اور آگے میرا اللہ اپنی رحمت کے بارے میں بھی بتاتا ہے کہ وہ کتنا بخشنے والا ہے وہ کتنا مہربان ہے۔۔۔۔۔۔
قُلْ يَا عِبَادِىَ الَّـذِيْنَ اَسْرَفُوْا عَلٰٓى اَنْفُسِهِـمْ لَا تَقْنَطُوْا مِنْ رَّحْـمَةِ اللّـٰهِ ۚ اِنَّ اللّـٰهَ يَغْفِرُ الذُّنُـوْبَ جَـمِيْعًا ۚ اِنَّهٝ هُوَ الْغَفُوْرُ الرَّحِـيْمُ (53)
کہہ دو اے میرے بندو جنہوں نے اپنی جانوں پر ظلم کیا ہے اللہ کی رحمت سے مایوس نہ ہو، بے شک اللہ سب گناہ بخش دے گا، بے شک وہ بخشنے والا رحم والا ہے۔(سورۃ الزمر آیت نمبر 53 )
وہ تو جانتا ہے نیتیں بھی وہ تو دلوں کے بھید بھی جانتا ہے اس سے کچھ پوشیدہ نہیں اگر تم سچی توبہ کرو گی تو ضرور اللہ تم کو معاف کردے گا ۔۔۔۔۔ بی جان نے اسکے سر پر ہاتھ پھیرتے ہوا کہا۔۔۔۔۔۔۔۔ اسکے آنسوں میں کمی آئی ۔۔۔۔۔ بی جان میرا اللہ کتنا مہربان ہے مجھ پر مگر میں ظالموں میں سے ہوں میں نے کبھی اسلام کے احکامات کو جاننے کی کوشش نہیں کی ۔۔۔۔ مجھے نفرت ہوتی ہے خود سے کے اتنے سال میں نے غفلت میں گزارے ۔۔۔۔۔ اپنے اللہ شکر ادا نہیں کیا اسکی رحمتوں کا اسکی نعمتوں کا ۔۔۔۔ میں بہت بری ہوں بی جان ۔۔۔۔۔۔ پر اللہ تعالیٰ بہت اچھے ہیں ۔۔۔۔۔۔ میں نے توبہ کرلی ہے اپنے رب سے اب میں اسکے ہر احکام پر عمل کرنے کی کوشش کروں گی ۔۔۔۔ مگر اگر میں پھر بٹھک گئی بی جان تو۔۔۔۔ اسنے خدشہ ظاہر کیا۔۔۔۔ اللہ سے دعا کرنا کہ وہ تمہیں کبھی بٹھکنے نہ دے ۔۔۔۔ وہ ہمیشہ تمہیں تمہاری۔توبہ پر ثابت قدم رکھے ۔۔۔۔۔۔ آمین دونوں نے ساتھ آمین کہا ۔۔۔۔۔ بی جان آپ مجھے اسلام کے بارے میں مزید بتائیں تاکہ میں اسکے احکامات پر عمل پیرا ہوسکوں ۔۔۔۔۔ اس نے بی جان کی جانب دیکھا تو انہوں نے اثبات میں سر ہلا دیا۔۔۔۔۔ کیوں نہیں میری بچی۔۔۔۔۔ جب دل چاہے تم میرے پاس آجاؤ جو پوچھنا ہو۔۔۔۔۔ عورت پر سب سے زیادہ حق شوہر کا ہوتا ہے ۔۔۔۔ تم اسکی فرمانبرداری کرو ۔۔۔۔ حجاب کرو ۔۔۔۔ خود کو پنہا کرلو ۔۔۔۔۔۔۔۔۔ تم نمائش کے لیے نہیں بنائی بنت حوا تم بہت خاص ہو ۔۔۔۔۔ تبھی میرے اللہ نے تمہیں پردے کا حکم دیا ۔۔۔۔ کیونکہ قیمتی چیزوں کو ہی دوسروں کی نظروں سے چھپایا جاتا ہے۔۔۔۔۔۔۔مگر افسوس یہاں فیشن کے نام پر کیا کچھ نہیں ہوتا۔۔۔۔۔۔۔ عورت کی زیب و زینت بناؤ سنگھار سارا کا سارا صرف شوہر کے لئے ہے۔ اس عورت پر دوزخ کا عذاب ہوگا۔ جو گھر شوہر کے دکھانے کے لئے کپڑے ہی نہ بدلے وہی پرانے میلے کچیلے کپڑوں کے ساتھ پھرتی رہے اور جب باہر جانے کا وقت آئے خواہ شادی بیاہ، شاپنگ، کسی کے گھر جانا ہو یا کوئی کلچر فنکشن ہو تو پھر وہ نہائے دھوئے، شاندار کپڑے بھی پہنے، خوشبو لگائے ۔۔۔۔ یہ سب کس کے لیے اس شوہر کے لیے تو نہیں ہے جسکے لیے اللہ نے حلال قرار دیا ہے پھر ہم کہاں جارہے ہیں ۔۔۔۔۔۔۔۔ بی جان کی بات سے اسے کچھ محسوس ہوا ۔۔۔۔ وہ سہی کہہ رہی تھی۔۔۔۔ عیسیٰ جیسا بھی ہے اسکا شوہر ہے۔۔۔۔۔ اب اسکے علاؤہ کسی کا خیال دل میں نہیں ہونا چاہیے۔۔۔۔۔۔۔۔۔ مجھے اسکی عزت کرنی چاہیے اگرچہ میں اس سے محبت نہیں کرتی تو اس نے خود سے عہد لیا کہ وہ اب ایسی کوئی بات نہیں کہے گی جس سے اسے تکلیف ہو۔۔۔۔۔۔۔۔ میری بچی تمہیں بھوک لگی ہوگی چلو ناشتہ کر لیتے ہیں جلدی سے ریڈی ہوجاو میں نیچے ناشتے پر تمہارا ویٹ کر رہی ہو۔۔۔۔۔ یہ کہتی ہوئی وہ نیچے کی جانب بڑھ گئی۔۔۔۔۔ جبکہ وہ بیڈ پر بیٹھی سوچوں میں گم تھی۔۔۔۔۔۔۔ اسنے کبھی نہیں سوچا تھا ایسا سب ہوگا ۔۔۔۔ اور اسے ہدایت مل جائے گی ۔۔۔۔۔۔ آج وہ سچ میں پرسکوں اور خوش تھی۔۔۔۔۔
اسے آج کچھ بھی برا نہیں لگ رہا تھا۔۔۔۔۔ وہ ہمیشہ سے ہی جس سکون کی تلاش میں تھی۔۔۔۔۔۔ آج اسے حاصل تھا۔۔۔۔۔۔
وہ فریش ہوکر ناشتے کی ٹیبل پر بیٹھی تھی۔۔۔۔۔۔۔۔گولڈن فروک کے ساتھ بلیک حجاب کیا ہوا تھا۔۔۔۔۔ سارم بھی آج جلدی اٹھ چکا تھا ۔۔۔ اسے آج کسی اہم میٹنگ میں جانا تھا۔۔۔۔ تبھی وہ وقت سے پہلے اٹھ چکا تھا اب وہ بھی ناشتے کی ٹیبل پر موجود تھا ۔۔۔۔ہارون دیر سے اٹھنے کا عادی تھا اسی لیے سو رہا تھا۔۔۔۔۔۔۔آپ چائے لینگے ۔۔۔۔۔۔ اس نے سوال کیا ۔۔۔۔لہجہ شریں تھا۔۔۔۔ تو عیسیٰ بھی حیرانی سے اسے دیکھنے لگا ۔۔۔۔ ہمم اسنے مختصر سا جواب دیا۔۔۔۔ تو اسنے اٹھ کر چائے سرو کی۔۔۔۔۔ یہ زہر اگلنے والی ناگن آج شہد منہ میں لیے پھر رہی ہے خیریت وہ منہ میں بولا۔ اور ناشتے سے فارغ ہوکر اٹھا تو وہ سامنے بیگ لیے کھڑی تھی۔۔۔۔۔۔ یہ آج کیا ہو رہا ہے بھئی۔۔۔۔ اسے مزید حیرانی ہوئی اور دل میں سوچا۔۔۔۔۔ وہ اسے دروازے تک چھوڑنے آئی ۔۔۔ وہ کب سے اسکی یہ حرکتیں نوٹ کر رہا تھا آخر اسے برداشت نہ ہوا تو کہہ دوڑا ۔۔۔۔۔۔ یہ سب کیا تماشہ لگا رکھا ہے ۔۔۔۔۔ہاں ۔۔۔۔۔ یہ کونسی ایکٹنگ شروع کردی اب تم نے۔۔۔۔ دیکھو یہ فضول کی ڈرامے بازی بند کرو ۔۔۔۔۔ اور میرے سر پر ایسے مسلط مت ہو عجیب ۔۔۔۔ وہ کوفت کھانے والے لہجے میں بولا۔۔۔۔۔۔۔ جس پر زرینہ مسکرائی۔۔۔۔۔ یہ میرا فرض ہے بس میں وہ ہی پورا کر رہی ہوں۔۔۔۔۔ میں نہیں چاہتی کہ آپ کی وجہ سے میں کوئی گناہ کے زمرے میں آجاؤ ۔۔۔۔۔۔اپنی توقع سے بر عکس جواب سن کر وہ چونکا ۔۔۔۔۔ اسے لگا تھا کہ وہ جواب میں بدتمیزی کرے گی مگر ایسا کچھ نہ تھا ۔۔۔۔۔۔۔۔۔۔۔۔
شاہ آج سارم کے گھر جانا ہے سارم نے ڈسکشن کے لیے بلایا ہے مجھے منظور خان کے آدمیوں کے متعلق اگر تم بھی میرے ساتھ آؤ گے تو مجھے اچھا لگے گا ۔۔۔۔۔ حمزہ نے کہا۔۔۔۔ میں کیا کروں گا ادھر جاکر حمزہ ۔۔۔۔ وہ سارم مجھے ایک آنکھ نہیں بھاتا ۔۔۔۔۔۔شاہ نے کوفت سے کہا ۔۔۔۔۔۔۔ چلو ہو سکتا ہے زرینہ۔کے لیے بھی کوئی سوراخ مل جائے کیونکہ وہاں ایک لڑکی اور بھی موجود تھی خاور کے مطابق ۔۔۔۔ زرینہ کے نام سے شاہ چونکا۔۔۔۔۔ کیا تم سچ کہہ رہے ہو ۔۔۔۔۔ سوال کیا گیا۔۔۔۔۔۔ ہاں۔۔۔۔ تم آوو تو سہی تفصیلات وہیں ڈسکس کریں گے ۔۔۔۔۔۔۔ اچھا میں ابھی آتا ہوں۔۔۔۔۔ شاہ نے بے صبری سے کہا تو ۔۔۔۔ حمزہ نے بھی اجازت دی۔۔۔۔۔۔۔
تیرے زکر پر بھی جی اٹھتے ہیں ہم ۔۔۔۔۔۔۔
سوچ تجھ سے ملاقات کی تڑپ کیا ہوگی ۔۔۔۔۔۔۔۔
دوپہر کے تین بج رہے تھے ۔۔۔۔۔ ہال میں سارم شاہ اور حمزہ موجود تھے ۔۔۔۔۔ شاہ کو دیکھ کر سارم کے چہرے پر صاف ناگواری تھی جو شاہ نے محسوس کی۔۔۔۔۔۔ میں چلتا ہوں آپ لوگ باتیں کریں یہ کہہ کر وہ وہاں سے اٹھا اور باہر کی جانب آیا۔۔۔۔۔۔۔ ثمرہ جو تیزی میں آرہی تھی شاہ سے ٹکر کھا کر گری۔۔۔۔۔۔ افف ۔۔۔۔۔ایک بیبی جی نے پہلے ہی اتنا کام بولا ہوا۔۔۔۔۔۔ اب ایک اور کام۔۔۔۔ اسکے ہاتھ سے چائے کے کپ گر چکے تھے۔۔۔۔۔۔ ثمرہ ایک کام ڈھنگ سے نہیں کر سکتی تم اس نے پیچھے سے آکر آواز دی ۔۔۔۔ شاہ جو اپنی شرٹ صاف کر رہا تھا جو چائے گرنے کی وجہ سے خراب ہوگئی تھی۔۔۔۔ اسکی آواز سن کر ہاتھ وہیں رک گئے جہاں تھے ۔۔۔۔۔۔۔ وہ اسکی آواز پہچان چکا تھا۔۔۔۔۔۔ زرینہ بیٹا یہ میری عینک نہیں مل رہی تم بتا دو تم نے کہیں دیکھی ہے تو۔۔۔۔۔ بی جان کی آواز پر وہ بی جان کے کمرے کی جانب بڑھ گئی۔۔۔۔۔۔۔۔ وہ شاہ کو نہیں دیکھ سکی کیونکہ شاہ پلر کے سامنے کھڑا تھا۔۔۔۔۔۔۔۔ زرینہ تم یہاں ہو۔۔۔۔۔ کیا مجھے اس سے ابھی بات کرنی چاہیے ۔۔۔۔۔۔۔ اگر وہ زرینہ نہ ہوئی تو۔۔۔۔۔۔ نہیں یہ زرینہ ہی کی آواز ہے۔۔۔۔۔۔ لیکن وہ یہاں کیا کر رہی ہے اور کیسے آئی ادھر۔۔۔۔۔۔۔۔۔ بہت سے سوال شاہ کے دماغ میں پناہ گزیر ہوئے۔۔۔۔۔۔۔۔
سنو یہ واشرم کہا ہے تم نے میری پوری شرٹ خراب کردی ۔۔۔۔۔ شاہ نے رکنے کا بہانہ ڈھونڈا ۔۔۔۔۔۔۔ وہ صاحب معاف کردیں وہاں ہے سامنے بی جان کے کمرے سے تھوڑا آگے ۔۔۔۔۔۔۔۔۔ آئیں میں آپکو واشرم دیکھا دوں ۔۔۔۔ ثمرہ نے کہا ۔۔۔۔۔۔ نہیں تم رہنے دو ۔۔۔۔ میں دیکھ لیتا ہو ۔۔۔۔ جاؤ اب ۔۔۔۔ شاہ نے کہا ۔۔۔۔۔ تو ثمرہ نے بھی ڈور لگائی۔۔۔۔۔۔۔۔ یہ لیں آپکی عینک بی جان۔۔۔۔۔۔ اس نے پیار سے کہا۔۔۔۔۔ میرا بیٹا خوش رہو تم ہمیشہ ۔۔۔۔۔۔۔ میری بچی ۔۔۔۔۔ انہوں نے اسکا ماتھا چوما۔۔۔۔۔ بی جان اب میں چلتی ہوں وہ ثمرہ نے ساری چائے گرا دی اگر وقت پر چائے نہ دی تو عیسیٰ ناراض نہ ہو جائیں گے۔۔۔۔۔ اسکی اس بات پر بی جان کے چہرے پر مسکان دوڑی۔۔۔۔۔۔۔۔۔ تم نے بہت جلد خود کو ڈھال لیا ہے اس رشتے میں ۔۔۔۔ کاش عیسیٰ بھی اس رشتے کی نزاکت کو سمجھے ۔۔۔۔۔۔۔۔۔ بی جان نے سرد سی آہ بھری۔۔۔۔۔۔۔ بی جان جو ہوا وہ میرا نصیب تھا۔۔۔۔۔۔ میں نے خود کو راضی کرلیا ہے اس رشتے کے لیے۔۔۔۔۔۔۔ کیونکہ اس میں میرے اللہ کی رضا شامل ہے ۔۔۔۔۔۔ اس نے مسکراتے ہوئے کہا۔۔۔۔۔۔ تو بی جان نے بھی اللہ سے شکر ادا کیا ۔۔۔۔۔۔۔۔ کہ زرینہ کے دل میں تھوڑا سا نرم گوشہ سارم کے لیے پیدا ہوا تھا۔۔۔۔۔۔ جو سچ میں خوشی کی بات تھی۔۔۔۔۔۔۔۔وہ کمرے سے باہر نکلی تو شاہ نے اسے آواز دی زرینہ۔۔۔۔۔۔۔۔۔۔ آواز وہ پہچان چکی تھی۔۔۔۔۔۔۔ ابھی تو ماضی کی قید سے باہر آنے کی کوشش میں لگی تھی کہ سامنے پھر ماضی آ کھڑا ہوا۔۔۔۔۔۔۔۔ قدم شاہ کی آواز پر رک گئے ۔۔۔۔۔۔۔ دل میں ایک جنگ چھڑی تھی۔۔۔۔۔۔۔کیسے وہ شاہ کے سوالوں کا جواب دیگی اگر اسنے بھی یہی سمجھا کہ میں نے اسے دھوکہ دیا ہے تو۔۔۔۔۔۔۔۔ لیکن یہ باتیں بے معنی ہیں اب یہ زندگی عیسیٰ کے ساتھ جڑی جا چکی ہے۔۔۔۔۔۔۔۔۔۔ اب شاہ کے لیے اسکی زندگی میں کوئی جگہ نہیں ہے۔۔۔۔۔۔۔۔۔۔۔۔۔آنکھوں میں آتے آنسووں کو پیچھے دھکیلا گیا۔۔۔۔۔۔۔ اور ہمت کرکے پیچھے کی جانب مڑی سامنے کھڑے شخص کی آنکھیں آنسووں سے تر تھی۔۔۔۔۔۔ اور لب مسکرا رہے تھے ۔۔۔۔۔۔۔۔۔جیسے کسی معصوم بچے کو اسکا پسندیدہ کھلونا مل جائے۔۔۔۔۔۔۔۔۔ وہ ڈور کر اسکے قریب آیا ۔۔۔۔۔۔۔۔۔ زرینہ تم یہاں ہو تمہیں معلوم ہے میں نے تمہیں پاگلوں کی طرح ڈھونڈا تھا۔۔۔۔۔۔ مجھے معلوم ہے تم مجھ سے خفا ہوگی مگر۔۔۔۔۔ میں نے ایک پل بھی چین کی سانس نہیں لی ۔۔۔۔۔۔۔مجھے معلوم ہے کہ تم میرے گھر آئی تھیں میں معافی مانگتا ہوں اپنے ڈیڈ کے رویے کی۔۔۔۔۔۔۔۔ لیکن اب تمہیں کوئی کچھ نہیں بولے گا۔۔۔۔۔۔۔ تم میرے ساتھ چلو ۔۔۔۔۔۔۔ وہ ایک سانس میں سب بول گیا جیسے اگلے پل وہ غائب ہوجائے گی۔۔۔۔۔۔زرینہ جو اتنی ہمت جمع کیے مڑی تھی ۔۔۔۔۔ سب ہمت اسکو ایسے روتا دیکھ پانی ہوگئ۔۔۔۔۔۔۔۔ میں سارم کا شکریہ ادا کروں گا کہ اسنے تمہاری حفاظت کی ۔۔۔۔ اب تم چلو میرے ساتھ ۔۔۔۔ تمہیں اب کوئی گھر سے نہیں نکالے گا ۔۔۔۔۔ یہ کہتا ہوا وہ باہر کی جانب جانے لگا ۔۔۔۔۔ مگر زرینہ وہیں بت بنے کھڑی تھی۔۔۔۔۔۔۔ وہ مڑا ۔۔۔۔۔ اسنے ایک نظر زرینہ پر ڈالی ۔۔۔۔۔۔ کیا ہوا زرینہ ۔۔۔۔۔۔۔ چلو نا میرے ساتھ وہ حیرانی سے بولا ۔۔۔۔۔۔ مگر زرینہ نے سر جھکا لیا۔۔۔۔۔۔۔ دیکھو اگر تم ڈیڈ کے رویے سے پریشان ہو تو میں تم سے معافی مانگتا ہوں۔۔۔۔۔۔۔ لیکن تم یہاں رہنے کی بجائے گھر چلو ۔۔۔۔۔۔ باقی باتیں وہاں کریں گے۔۔۔۔۔۔۔۔۔۔ اسنے سمجھانے والے انداز میں کہا۔۔۔۔۔۔۔ شاہ میر ۔۔۔۔۔۔۔ آواز میں لرزش واضح تھی ۔۔۔۔۔۔۔۔ ہاں کہو ۔۔۔۔۔۔ اور یہ تم نے کب سے میرا پورا نام لینا شروع کردیا۔۔۔۔۔ شاہ نے ٹوکہ۔۔۔۔۔۔ میں آپکے ساتھ نہیں جاسکتی ۔۔۔۔۔۔ وہ بامشکل بول پائی۔۔۔۔۔۔۔۔ کیا۔۔۔۔۔۔ چہرے پر حیرانی واضح تھی۔۔۔۔۔۔۔ مگر کیوں ایسا کیا ہوگیا ہے زرینہ۔۔۔۔۔۔۔ اسنے خدشے والے انداز میں کہا۔۔۔۔۔۔۔۔ کہیں ۔۔۔۔۔۔۔ بات ادھوری چھوڑی گئی۔۔۔۔۔۔۔ تو اسنے بات کا مفہوم سمجھ کر اثبات میں سر ہلا دیا۔۔۔۔۔۔۔۔ شاہ کو محسوس ہوا کہ اسکے سر پر سے کسی نے آسمان چھین لیا ہو ۔۔۔۔۔۔ اسکے چہرے پر حیرانی اور دکھ کے ملے جلے تاثرات تھے ۔۔۔۔۔۔۔ اسکے قدم لڑکھڑائے نہیں ایسا نہیں ہوسکتا زرینہ تم تو صرف میری تھیں۔۔۔۔۔۔۔ تم تو مجھ سے محبت کرتی تھیں ۔۔۔۔۔ یہ کیسے ہوگیا ۔۔۔۔۔۔۔ کیا میری محبت پر تمہیں یقین نہیں تھا کیا تم نے حالات کے سامنے اتنی جلدی گھٹنے ٹیک دیئے۔۔۔۔۔۔۔ نہیں زرینہ نہیں۔۔۔۔۔۔ میں تمہیں کیسے کسی اور کا ہوتے دیکھ سکتا ہوں۔۔۔۔۔۔ آنکھوں میں آنسوں واضح تھے ۔۔۔۔۔۔۔۔زرینہ میں زندہ نہیں رہ سکتا تمہارے بنا ۔۔۔۔۔ زرینہ کے آنکھ میں بھی ایک آنسو ٹوٹ کر گال پر پھسلا ۔۔۔۔۔۔۔۔ شاہمیر آپ یہاں سے چلیں جائیں اور بھول جائیں کہ آپکی زندگی میں کوئی زرینہ نام کی لڑکی بھی تھی۔۔۔۔۔۔۔۔۔۔وہ بامشکل بول پائی۔۔۔۔۔۔۔بھول جاؤ ۔۔۔۔۔تم نے کتنی آسانی سے کہہ دیا کہ بھول جاؤ کیا یہ اتنا آسان ہے بھولنا۔۔۔۔۔۔۔ تمہارے لیے ہوگا ۔۔۔۔۔مگر میرے لیے نہیں ۔۔۔۔۔۔میں بچپن سے آج تک صرف تمہیں چاہا ہے زرینہ۔۔۔۔۔۔۔ مجھے معاف کردیں شاہمیر۔۔۔۔۔۔ آواز میں نمی واضح تھی۔۔۔۔۔۔۔۔۔۔ مسٹر شاہمیر۔۔۔۔۔۔ عیسیٰ کی آواز پر وہ چونکی ۔۔۔۔۔۔۔ اسے محسوس ہوا جیسے اب وہ اسے آکر زندہ نگل لے گا اسکے چہرے کا سفید پڑتا رنگ شاہمیر بخوبی دیکھ سکتا تھا۔۔۔۔۔۔۔۔ سارم اور حمزہ انکی جانب چلتے ہوئے آئے۔۔۔۔۔۔ بی جان اپنے کمرے میں آرام کی غرض سے گئی تھیں وہ باہر ہونے والے معاملے سے بلکل بے خبر تھیں۔۔۔۔۔۔۔شاہمیر نے اپنے آنسوں پونچھے ۔۔۔۔۔۔ یس مسٹر سارم ۔۔۔۔۔۔ وہ مڑا ۔۔۔۔۔۔ زرینہ پر نظر گئی تو چہرے پر ناگواری اتر آئی ۔۔۔۔ لیکن خود کو کمپوز کیا۔۔۔۔۔۔۔۔ اور چلتا ہوا چہرے پر طنزیہ مسکراہٹ لیے زرینہ کے برابر میں کھڑا ہوگیا۔۔۔۔۔۔۔ حمزہ کا منہ حیرت سے کھل چکا تھا جبکہ شاہ نے نظریں زمین پر مرکوز کی ہوئیں تھی۔۔۔۔۔۔۔۔ مسٹر شاہمیر اینڈ مسٹر حمزہ ۔۔۔۔۔۔۔ میٹ مائی بیوٹیفل وائف مسز زرینہ عیسیٰ سارم خان ۔۔۔۔۔۔۔ اسنے زرینہ کے کمر کے گرد بازو حائل کیے اور ہر لفظ چبا کر بولا۔۔۔۔۔۔ جیسے سامنے کھڑے شخص کو باور کروا رہا ہو۔۔۔۔۔ زرینہ عیسیٰ کی اس حرکت پر حیرت میں ڈوبی وہ جانتی تھی کہ وہ ایسا بس شاہمیر کو تکلیف دینے کے لیے کر رہا ہے۔۔۔۔۔۔ کیا وہ سچ میں اتنا ہی برا تھا۔۔۔۔۔ کہ دوسروں کی تکلیف سے اسے خوشی ملتی تھی۔۔۔۔۔۔۔۔۔شاہ نے جب عیسیٰ جو زرینہ کے ساتھ دیکھا تو آنکھوں کی رگیں اُبھری ۔۔۔۔۔ غصے سے مٹھی بنا کر ضبط کرنے کی کوشش کی۔۔۔۔۔۔۔۔۔بہت مبارک ہو آپکو ۔۔۔۔۔ یہ کہتا ہوا وہ زرینہ اور عیسیٰ پر نفرت بھری نگاہ ڈالتا ہوا باہر کی جانب بڑھ گیا ۔۔۔۔۔۔۔۔ تھینکس ۔۔۔۔۔ عیسیٰ نے زور سے بولا تاکہ آواز اس تک پہنچ جائے ۔۔۔۔۔۔ حمزہ کو ابھی بھی صورتحال کچھ سمجھ نہیں آئی تو وہ ایک نگاہ سامنے عیسیٰ کے ساتھ کھڑی زرینہ پر ڈالی جیسے اسے لالچی اور بے وفا کا طعنہ دے رہا ہو۔۔۔۔۔مبارک ہو مسٹر سارم آپکو ۔۔۔۔۔۔ اور آپکو بھی ۔۔۔۔مسز زرینہ۔۔۔۔۔۔۔ لہجے میں طنز واضح تھا یہ کہتا ہوا وہ بھی باہر کی جانب بڑھ گیا۔۔۔۔۔۔۔۔ وہ بامشکل اپنے آنسوؤں پر ضبط رکھے ہوئے تھی۔۔۔۔۔۔۔ جبکہ ایک افسوس بھری نگاہ اپنے ساتھ کھڑے شخص پر ڈالی جو اب مسکرا رہا تھا ۔۔۔۔۔۔ جیسے کوئی میدان فتح کیا ہو۔۔۔۔۔۔۔ انکے جاتے ہی اسنے زرینہ کو خود سے دور کیا۔۔۔۔۔۔۔ اور اسے کھنچتا ہوا کمرے میں لے گیا۔۔۔۔۔۔۔۔
یار یہ لڑکی تو بہت بڑی دھوکے باز نکلی شادی ٹوٹے مشکل سے تین دن ہوئے ہونگے ۔۔۔۔ اور شادی کر بھی لی ۔۔۔۔ وہ بھی کسی عام سے نہیں ملک کے جانے مانے بزنس مین سے ۔۔۔۔۔ جسکے ساتھ بزنس کرنے کا سب کا خواب ہے ۔۔۔۔۔۔ بھئی یہ تو بڑی تیز نکلی لالچی کہیں کی۔۔۔۔۔بیچارہ تو فضول میں اسکے پیچھے پڑا ہوا تھا ۔۔۔۔۔۔۔ وہ تو تجھے بیوقوف بنا کر چلی گئی۔۔۔۔۔۔۔۔ سہی کہتے ہیں لوگ لڑکیاں تو ہوتی ہی بے وفاں ہیں لالچی ۔۔۔۔۔۔ پیسوں پر مرتی ہیں۔۔۔۔۔۔۔ حمزہ منہ سے زہر اگلنے میں مصروف تھا۔۔۔۔۔۔۔چپ ہوجا حمزہ اب اگر ایک اور لفظ بھی زرینہ کے خلاف بولا نہ تو گدی سے زبان کھینچ لونگا۔۔۔۔۔۔۔۔۔ شاہ نے غصے سے اسے دیکھا ۔۔۔۔۔۔ سفید چہرہ اب سرخ ہورہا تھا۔۔۔۔۔۔ شاہ یار تو اب بھی۔۔۔۔۔ حمزہ نے بیچارگی سے کہا۔۔۔۔۔۔ وہ بے وفا نہیں ہے سمجھا تو حالات نے اسے یہاں لاکر کھڑا کردیا ہے ۔۔۔۔ میں اسے اپنا لونگا بہت جلد۔۔۔۔۔۔ شاہ نے کہا۔۔۔۔۔۔مگر کیسے ۔۔۔۔ وہ عیسیٰ کے نکاح میں ہے۔۔۔۔۔۔ حمزہ نے اسے باور کرایا ۔۔۔۔۔۔ جانتا ہو ۔۔۔۔۔ نکاح ختم بھی تو ہوتا ہے۔۔۔۔۔۔۔۔ شاہ نے کہا تو حمزہ نے اسے بے یقینی سے دیکھا۔۔۔۔۔۔۔۔ کیا تو ان دونوں کی طلاق کروائے گا۔۔۔۔۔۔ حمزہ نے سوال پوچھا ۔۔۔۔۔۔ ہاں اور ضرورت پڑنے پر کچھ بھی کر۔گزروں گا۔۔۔۔۔۔ مگر تو اسے منائے گا کیسے ۔۔۔۔۔ اسکا حلیہ دیکھا تھا تو نے ۔۔۔۔۔ وہ وہاں خوش نہیں ہے ۔۔۔۔۔۔۔۔۔۔ وہ لوگ اس پر پابندیاں عائد کر رہے ہیں۔۔۔۔۔۔ میں نے زرینہ کی آنکھوں میں ڈر دیکھا ہے ۔۔۔۔۔ میں اسے بچا لونگا ان لوگوں سے۔۔۔۔۔۔۔۔۔۔
وہ بے وفا ہے تو کیا مت کہو بُرا اُس کو
کہ جو ہوا سو ہوا خوش رکھے خدا اُس کو
نظر نہ آئے تو اسکی تلاش میں رہنا
کہیں ملے تو پلٹ کر نہ دیکھنا اُس کو
وہ سادہ خُو تھا زمانے کے خم سمجھتا کیا
ہوا کے ساتھ چلا لے اڑی ہوا اُس کو
وہ اپنے بارے میں کتنا ہے خوش گماں دیکھو
جب اس کو میں بھی نہ دیکھوں تو دیکھنا اُس کو
ابھی سے جانا بھی کیا اس کی کم خیالی پر
ابھی تو اور بہت ہو گا سوچنا اُس کو
اسے یہ دُھن کہ مجھے کم سے کم اداس رکھے
مری دعا کہ خدا دے یہ حوصلہ اُس کو
پناہ ڈھونڈ رہی ہے شبِ گرفتا دلاں
کوئی پتاؤ مرے گھر کا راستا اُس کو
غزل میں تذکزہ اس کا نہ کر نصیرؔ کہ اب
بھلا چکا وہ تجھے تو بھی بھول جا اُس کو
نصیرؔ ترابی
1973ء
میں نے تمہیں منع کیا تھا نہ تو تم کیوں آئی ہاں ۔۔۔۔۔۔ سارم نے اسکا بازو دبوچ کر کہا۔۔۔۔۔۔۔۔ عیسیٰ چھوڑیں مجھے درد ہورہا ہے ۔۔۔۔۔۔۔ آنکھوں میں آنسوں صاف تھے۔۔۔۔۔۔ تم شاہمیر کے ساتھ وہاں کیا کر رہی تھیں ہاں۔۔۔۔۔۔۔۔ وہ چیخنے والے انداز میں بولا۔۔۔۔۔۔۔۔ میں خخخ خود نہیں گئی تھی۔۔۔۔۔۔ وہ بامشکل بول پائی۔۔۔۔۔۔۔۔۔۔ شاہمیر سے تمہارا جو رشتہ تھا جیسا تھا اب وہ ختم ہوچکا ہے اب تم میری بیوی ہو ۔۔۔۔۔۔۔۔ میرے نکاح میں ہو تم ۔۔۔۔۔ اگر آئندہ میں نے تمہیں شاہ سے ملتے دیکھا تو تمہارا وہ حشر کرونگا کہ تم سوچ بھی نہیں سکتی۔۔۔۔۔۔ اس نے اسکا بازو جھڑکا۔۔۔۔۔۔ اسکا بھی صبر کا ضبط ٹوٹ چکا تھا۔۔۔۔۔۔۔ تو آزاد کریں نہ مجھے اس بے نام رشتے سے کیوں باندھ رکھا مجھے اس طرح کھوٹے سے ۔۔۔۔۔۔ جس رشتے کا نہ کوئی مطلب نہ کوئی محبت اور نہ ہی عزت تو یہ رشتہ کیوں کھینچ کر چل رہے ہیں طلاق دے دیں مجھے خود کو بھی اس ازیت سے نجات دیں اور مجھے بھی۔۔۔۔۔۔ اسنے اپنے دونوں ہاتھوں کو جوڑا۔۔۔۔۔۔ آوو تو اپنے اس غلیظ عاشق سے مل کر تمہیں طلاق کا بھوت سوار ہوگیا۔۔۔۔۔ اور وہ صبح والا ڈرامہ کیا تھا ۔۔۔۔۔ پھر میں تو اپنا صرف فرض نبھا رہی ہوں۔۔۔۔۔ اسے زرینہ۔سے ایسے ریکشن کی امید تھی۔۔۔۔ تبھی وہ غصہ کو ضبط۔کیے زرینہ کی نقل اتارتے ہوئے طنز کیا۔۔۔۔۔۔ جس پر وہ جھینپ گئی۔۔۔۔۔۔۔ تمہیں شرم نہیں آتی اپنے شوہر کو جسکا کام کرنا تم اپنا فرض سمجھتی ہو۔۔۔۔ اس سے اس لہجے میں بات کرتے ہوئے ۔۔۔۔۔۔۔۔۔۔ تو کچھ فرض آپ پر بھی لاگو ہوتے ہیں۔۔۔۔۔۔ آپ کو میری عزت کوئی خیال نہیں ہے۔۔۔۔۔۔ اسنے روتے ہوئے کہا۔۔۔۔۔۔ جس پر سارم چونک گیا۔۔۔۔۔۔۔ میرے ہر کام پر اپنا شوہر ہونا جتاتے ہیں ۔۔۔۔۔ مگر میری بات رکھتے ہیں۔۔۔۔۔۔ کیا آپ ۔۔۔۔۔۔۔ میری عزت بھی کوئی چیز ہے عیسیٰ ۔۔۔۔۔ میں ایسے برداشت نہیں کروں گی ۔۔۔۔۔۔۔ اسنے روتے ہوئے کہا ۔۔۔۔۔۔۔ جواب پر عیسیٰ کی خاموشی نے اسے اور ہمت دے دی۔۔۔۔۔۔۔ وہ خاموشی سے کمرے سے نکل گیا۔۔۔۔۔۔۔زرینہ۔اسکی پشت دیکھتی رہی۔۔۔۔۔۔۔۔۔
شاہ تم آئے بھی تو اتنے دیر سے آئے جب وقت اور حالات دونوں ہاتھوں سے پھسل چکے تھے۔۔۔۔۔۔ مجھے معاف کر دے نہ ۔۔۔۔۔ میں نے بہت برا کیا ہے تمہارے ساتھ ۔۔۔۔۔ وہ رو رہی تھی۔۔۔۔۔۔۔۔ یا اللہ میری مدد کریں مجھے سیدھی راہ دیکھائیں ۔۔۔۔۔۔ مجھے سمجھ نہیں آرہا میں کیا کروں۔۔۔۔۔ میں نے اپنے حال کو قبول کرلیا تھا۔۔۔۔ سارم کو قبول کرلیا تھا مگر میرا ماضی پھر میرے سامنے آ کھڑا ہوا۔۔۔۔۔۔۔ میں کیا کروں کہاں جاو۔۔۔۔۔۔ عیسی تو مجھ سے نفرت رکھتے ہیں۔۔۔۔۔ وہ میری عزت بھی نہیں کرتے ناجانے وہ اتنے سنگدل کیوں ہیں ۔۔۔۔۔۔ وہ رو رہی تھی۔۔۔۔۔۔ جب بی جان کی کہی بات اسکے زہن سے ٹکرائی۔۔۔۔۔۔ ماضی کے حادثات نے اسے ایسا بنا دیا ہے۔۔۔۔۔وقت آنے پر معلوم ہوجائے گا بی جان نے کہا تھا۔۔۔۔۔ شاید وہ یہی وقت ہو کس سے پوچھوں کہا جاؤں ہاں ہارون بتا سکتا ہے کچھ۔۔۔۔۔ اس سے پوچھتی ہوں ۔۔۔۔ وہ اپنے آنسوں صاف کیے ہارون کی کمرے کی جانب بھاگی۔۔۔۔۔۔ دروازا پہلی دستک پر کھول دیا گیا۔۔۔۔۔۔۔ بھابھی آپ ۔۔۔۔۔ ہارون نے حیرت سے دیکھا۔۔۔۔۔۔ ہارون مجھے تم سے بہت ضروری کام ہے ۔۔۔۔۔ جی بولیں اسنے زرینہ کو اندر بلایا ۔۔۔۔ اور کہا۔۔۔۔۔ ہارون مجھے ماضی کے بارے میں جاننا ہے تمہارے بھائی کے ۔۔۔۔۔۔ کہ ایسا کیا ہوا تھا جو تمہارے بھائی کو اس حد تک سنگدل بنا گیا کہ اب انہیں کسی کی تکلیف کسی کے درد کا احساس نہیں ہوتا ۔۔۔۔۔۔۔ زرینہ نے کہا تو ۔۔۔۔۔۔ ہارون کے چہرے آئے ۔۔۔۔ پریشانی کے تاثرات سنجیدگی میں تبدیل ہوگئے ۔۔۔۔۔ بھابھی آئی ایم سوری میں آپکو نہیں بتا سکتا کچھ آپکو یہ خود پتا لگانا ہوگا ۔۔۔۔ کیونکہ مجھے خود اس بات کا علم نہیں یہ بات صرف بھائی اور بی جان کو پتا ہے۔۔۔۔۔ اور انکی ڈائیری کو پتا ہے جس میں لکھا کرتے تھے۔۔۔۔۔۔۔۔ وہ ڈائری اگر آپ کو مل جائے تو آپ کو پتا چل جائے گا۔۔۔۔۔۔ بغیر کسی تاثر کے کہا گیا ۔۔۔۔۔۔۔۔ ایم سوری۔۔۔۔۔ ڈائیری سے اسے شادی کی رات والی بات یاد آگئی ۔۔۔۔۔ تو وہ بھاگ کر اپنے کمرے کی جانب آئی ۔۔۔۔۔۔۔ٹیبل پر دیکھنے لگی جہاں وہ ڈائری اس دن دیکھی تھی مگر اب وہاں کوئی ڈائری نہیں تھی۔۔۔۔۔۔۔ وہ جانتی تھی کہ بی جان اور ہارون سب جانتے ہیں مگر بتا نہیں رہے ناجانے کیوں۔۔۔۔۔۔۔شاید عیسیٰ کی وجہ سے۔۔۔۔۔۔۔اسنے ڈائیری کی تلاش۔پورے کمرے میں جاری کردی۔۔۔۔۔۔۔۔۔یقینا اسے کوئی سوراخ مل جائے۔۔۔۔
کہاں چلی گئی وہ ڈائری وہ بڑبڑاتی ہوئی بیڈ پر بیٹھی دوپہر سے شام ہوچکی تھی۔۔۔۔ مگر اسکی تلاش اب بھی جاری تھی۔۔۔۔۔۔۔۔ یا اللہ میری مدد کریں یہ کہتے ہوئے وہ کھڑی ہوئی۔۔۔۔۔۔ اور سامنے الماری کی جانب قدم بڑھائے۔۔۔۔۔۔ یا اللہ اسکی چابی مل جائے کہیں سے وہ دعا کر رہی تھی اور چابی کو ڈھونڈ رہی تھی۔۔۔۔۔۔جب اسکا پاوں بیڈ سے ٹکرایا تو درد کی وجہ سے وہ زمین پر بیٹھ گئی۔۔۔۔۔ آہ۔۔۔۔۔۔ وہ پاؤں کی چھوٹی انگلی کو پکڑے بیٹھی تھی۔۔۔۔۔ تو نظر بیڈ کے نیچے رکھی گئی ڈبیا پر گئی ۔۔۔۔۔ جو نہایت چھوٹی تھی۔۔۔۔۔۔ اس نے جھٹ سے وہ ڈبیا اٹھائی جو باآسانی کھل گئی۔۔۔۔۔۔۔۔ سامنے ایک چابی پڑی تھی۔۔۔۔۔۔ چہرے پر خوشی کے تاثرات ابھر آئے۔۔۔۔۔۔ وہ اپنا درد بھول کر فورن اٹھی اور بھاگ کر الماری کے قریب پہنچی اور چابی سے الماری کھولی ۔۔۔۔۔۔ اور وہاں وہ ڈائری ڈھونڈنے لگی۔۔۔۔۔۔مل جا ۔۔۔۔۔۔کہاں چلی گئی آخر ۔۔۔۔ اس نے سارے کپڑوں ہٹا کر چیک کیا۔۔۔۔۔۔ مگر وہاں کچھ نہیں تھا اسنے غصے سے سامنے رکھا کوٹ اٹھا کر زمیں پر پھینکا۔۔۔۔۔ کیا مصیبت ہے۔۔۔۔۔ کوفت بھرے لہجے میں بولا گیا۔۔۔۔۔۔۔ جب کوٹ میں سے اسنے ایک مخمل کی ڈبیا دیکھی تو وہ آگے بڑھی اور کوٹ کی جیبوں کو چیک کرنے لگی۔۔۔۔۔ آخر اسکی محنت رنگ لے آئی وہ ڈائری اسے مل چکی تھی اور ساتھ ایک خوبصورت مخمل کی ڈبیا بھی تھی۔۔۔۔۔۔ اس نے ڈبیا کو کھول کر دیکھا تو اس میں نہایت ہی خوبصورت اور نازک سی ڈائمنڈ رنگ تھی۔۔۔۔۔۔ ایک منٹ کو تو وہ اس انگھوٹھی کو تکتی رہی ۔۔۔۔۔۔ یہ کس کی ہوسکتی ہے ۔۔۔۔۔ عیسیٰ یہ کس کے لیے لائے ہونگے۔۔۔۔۔ بی جان کے علاؤہ تو یہاں اور کوئی لڑکی نہیں ۔۔۔۔۔۔۔ وہ سوچوں میں گم تھی تو دروازے پر دستک ہوئی ۔۔۔۔۔جس پر وہ چونک اٹھی۔۔۔۔۔۔ کہیں عیسیٰ تو نہیں ہے ۔۔۔۔۔۔۔ اسکے گندمی رنگ سفید پڑنےلگا ۔۔۔۔۔ اسنے فورن سے کورٹ کو اسکی جگہ رکھا اور الماری بند کرکے چابی وہیں رکھی جہاں سے اٹھائی تھی مگر ڈائری کو اپنے سوٹکیس میں چھپا لیا جو بی جان نے اسے دیا تھا۔۔۔۔۔ کیونکہ اسکی جگہ سارم کے کمرے میں کہیں نہیں تھی۔۔۔۔۔۔۔ اور آرام سے پوچھا گیا ککک کون ۔۔۔۔۔۔۔۔ اسنے ہکلاتے ہوئے کہا۔۔۔۔۔۔ کھولو دروازا وہاں سارم موجود تھا تو اسکے منہ سے آتی آواز پھر سے بند ہوگئی۔۔۔۔۔۔ اب چہرے پر پسینہ آنے لگا۔۔۔۔۔ اگر انہیں معلوم ہوگیا کہ میں انکی ڈائری میں گھسی ہو تو۔۔۔۔۔۔ جلدی دروازا کھولو کیا تماشے لگائے ہوئے ہیں۔۔۔۔۔ اب تیز آواز میں بولا گیا۔۔۔۔۔۔تو اسنے جھٹکے سے دروازا کھولا ۔۔۔۔۔۔ کیا کر رہیں تھیں تم ہاں ۔۔۔۔۔ اتنی دیر لگی کیوں دروازا کھولنے میں سامنے کھڑے شخص نے سوالوں کی بوچھاڑ کردی۔۔۔۔۔۔ ووو وہ ممم میں ۔۔۔۔۔۔وہ میں کیا ۔۔۔۔ ہاں ہکلی ہو کیا بولنا نہیں آتا۔۔۔۔۔۔۔ وہ غصے سے چینخا۔۔۔۔۔ وہ میں سو رہی تھی۔۔۔۔۔۔ وہ بامشکل بول پائی۔۔۔۔۔۔ اب یہ آرام چھوڑو اور تیار ہوجاو۔۔۔۔۔۔ اسنے کہا اور اور الماری کی جانب بڑھا۔۔۔۔۔ کہاں جانا ہے اس نے عیسیٰ کی جانب دیکھ کر کہا۔۔۔۔۔۔۔ میں تمہارے کیے گئے سوالات کے جوابات دینے کا روادار نہیں ہوں۔۔۔۔۔ جو میں نے کہا ہے وہ کرو بس۔۔۔۔۔۔۔ پر میرے پاس اچھے کپڑے نہیں ہے سارے گھر کے ہی کپڑے ہیں۔۔۔۔۔ اس نے نظریں نیچے رکھتے ہوئے کہا۔۔۔۔۔۔۔ تو ۔۔۔۔۔ میں کیا کروں اس نے آئی برو اچکائی۔۔۔۔۔۔۔۔۔ کوئی بھی کپڑے پہن لو۔۔۔۔۔۔ وہ یہ بولتا ہوا کپڑے نکال کر واشرم کی جانب بڑھا۔۔۔۔۔۔۔۔ یا اللہ تیرا شکر انہیں معلوم نہیں ہوا ۔۔۔۔۔ ورنہ تو میری شامت آجانی تھی۔۔۔۔۔۔۔ یہ کہہ کر اسنے سرمئی اور سرخ رنگ کے جوڑے نکالے ۔۔۔۔۔ ناجانے کہاں لیکر جارہے ہیں ۔۔۔۔۔ میرے پاس تو کوئی ڈھنگ کا جوڑا بھی نہیں ہے بس یہ دو ہی ہے ایک سرمئی اور ایک سرخ اب ان دونوں میں سے کونسا پہنو ۔۔۔۔۔۔۔۔ اگر کسی کی شادی میں جانا ہے تو شادی کے لحاظ سے تو یہ سہی نہیں ہے ۔۔۔۔۔ ہاں البتہ کسی کے گھر کے لیے مناسب رہیں گے۔۔۔۔۔۔ ابھی تک وہ اسی کشماکش میں مبتلا تھی جبکہ سارم فریش ہوکر باہر آچکا تھا۔۔۔۔۔۔ تم ابھی تک تیار نہیں ہوئی اس نے سوالیہ نظروں سے دیکھا۔۔۔۔۔۔۔ مجھے سمجھ نہیں آرہا کیا پہنو۔۔۔۔۔ اس نے ان دو جوڑوں کی طرف اشارا کیا جو نہایت ہی سادے تھے۔۔۔۔۔۔۔۔ آپ مجھے بتا دیں تاکہ میں اسی حساب سے پہن لو ۔۔۔۔۔۔۔۔یہ ریڈ مناسب ہے ۔۔۔۔۔ اسنے بنا زرینہ کی جانب دیکھے کہا تو زرینہ نے بھی اثبات میں سر ہلا دیا۔۔۔۔۔۔ آج وہ سارم کے پسند کا رنگ پہنے والی تھی۔۔۔۔۔۔
کمرہ اندھیروں میں ڈوبا ہوا تھا۔۔۔۔۔۔۔ تم میری ہونے سے پہلے کسی اور کی ہوگئی۔۔۔۔۔۔ میں کتنا برا ہونا اپنی محبت کو پانے سے پہلے کھودیا۔۔۔۔۔۔۔ لیکن بہت جلد تم کو میں آزاد کروا لونگا اس عیسیٰ سارم خان سے۔۔۔۔۔ ۔ تم صرف میری بنو گی زرینہ صرف میری ۔۔۔۔۔۔۔ تم پر صرف میرا حق ہے ۔۔۔۔ اسنے کہا اور برابر میں رکھا گلاس زمین بوس کیا۔۔۔۔۔۔۔۔
مجھے معاف کردیں منظور خان کے میں نے عیسیٰ کے کہنے پر آپکے آدمیوں کو گرفتار کیا۔۔۔۔۔ کیا تم اب بھی اس عیسیٰ کے غلام ہو ہاں۔۔۔۔ مجھے معاف کردیں میں آپکے لیے ایک خبر لایا ہوں شاید وہ آپکے کام آجائے ۔۔۔۔۔۔ کیسی خبر۔۔۔۔۔۔ اگر کوئی فضول بات ہوئی تو یہی تیرے کو زندہ دفن کردونگا۔۔۔۔۔۔۔ سر یہ خبر اس لڑکی کے بارے میں ہے جس سے عیسیٰ کا نکاح ہوا ہے۔۔۔۔۔۔ کیا سچ میں ۔۔۔۔ ہاں سر ۔۔۔۔ آپ میرے ایک دوست شاہمیر فیضان کو جانتے ہیں جسکی حال ہی میں شادی ٹوٹی ہے اسی کی منگیتر سے کی ہے شادی۔۔۔۔ بہت تیز ہے وہ لڑکی۔۔۔۔۔۔ شادی کے دن بھاگ گئی تھی۔۔۔۔۔۔ اور الزام ڈرائیور پر لگ گیا تھا اغوا کا۔۔۔۔ وہ تو قسمت اچھی تھی اس ڈرائیور کی جو بچ گیا ورنہ تو لمبی سزا ہوتی اسے۔۔ تو یہ سب مجھے کیوں بتا رہا ہے۔۔۔۔۔۔ اسنے حمزہ کی جانب دیکھا۔۔۔۔۔۔تبھی یہ بڈھا عیسیٰ سے آگے نہیں بڑھ پایا عقل تو نام برابر کی نہیں ہے اس میں حمزہ نے دل میں صلواتیں سنائی۔۔۔۔۔۔ سر ہم اس شاہمیر کے غصے کو عیسیٰ کے خلاف استعمال کرسکتے ہیں ۔۔۔۔۔ وہ انکی طلاق کرانے کے سر پر ہے۔۔۔۔۔ جسکے لیے وہ کچھ بھی کرسکتا ہے بس اسی غصے اور نفرت کو ہم اس عیسی کے خلاف استعمال کرینگے۔۔۔۔۔ حمزہ نے کمینگی سے کہا۔۔۔۔۔۔ویسے داد دینی پڑے گی تیرے کمینے دماغ کی اس نے کہا تو حمزہ نے منہ بنایا۔۔۔۔۔۔۔۔۔ اپنے دوست کے ساتھ ہی غداری۔۔۔۔۔۔ منظور خان نے یہ کہہ کر قہقہہ لگایا۔۔۔۔۔ تو حمزہ نے دل میں اسے کوسا۔۔۔۔
اسنے سرخ جوڑا پہنا اور حجاب کرنے کے لگی سارم کمرے سے باہر تھا ۔۔۔۔ اس نے کلیجی رنگ کی شرٹ پر بلو جینز پہنی ہوئی تھی۔۔۔۔۔۔۔میک آپ کے نام پر اسنے بس کاجل لگایا تھا آنکھوں میں کیونکہ اسکے پاس میک اپ بھی موجود نہیں تھا ۔۔۔۔۔۔ کاجل تو اسے بی جان نے دے دیا تھا۔۔۔۔۔۔حجاب کے ساتھ اسنے نقاب کیا۔۔۔۔۔۔ جب سارم واپس کمرے میں آیا تو اسے نقاب میں دیکھا ۔۔۔۔۔۔ یہ تم ۔۔۔۔ نے نقاب کب سے شروع کر دیا ہے۔۔۔۔۔ اسنے سوالیہ نظروں سے اسے دیکھا۔۔۔۔۔۔۔سارم کی آواز پر اسنے سارم کی جانب دیکھا۔۔۔۔۔۔ آج سے۔۔۔۔۔۔ اس نے مختصر سا جواب دیا۔۔۔۔۔۔ حیرت ہے بھئی چلو اچھی بات ہے کہ تم کو بھی کچھ شرم نصیب ہوئی ۔۔۔۔۔ اسکی بات میں طنز واضح تھا۔۔۔۔۔۔ زرینہ نے اسکی بات کو اگنور کردیا ۔۔۔۔۔۔وہ جانتی تھی کہ سارم ایسا بس اسے ازیت دینے کے لیے بول رہا ہے۔۔۔۔۔۔۔ مجھے اچھا لگا تمہیں نقاب میں دیکھ کر عیسیٰ کے منہ سے بے اختیار پھسلا۔۔۔۔۔۔۔ جی۔۔۔۔۔۔۔ اس نے حیرت سے سارم کو دیکھا۔۔۔۔۔۔ آ میرا مطلب ہے چلو دیر ہورہی ہے۔۔۔۔۔ وہ یہ کہتا ہوا کیز اٹھا کر باہر کی جانب نکل گیا۔۔۔۔۔۔ جبکہ زرینہ کے چہرے پر بے اختیار مسکان پھیلی ۔۔۔۔۔۔ شاید اسے اچھا لگا تھا سارم کا اسے اس طرح سراہنا ۔۔۔۔۔۔۔
ہم کہاں جارہے ہیں ۔۔۔۔۔ اسنے سارم کی جانب سوال کرتی نگاہوں سے دیکھا۔۔۔۔۔۔۔بی جان کی سہیلی کے گھر انہوں نے دعوت کی ہے ہماری ۔۔۔۔۔۔۔ سارم کا لہجہ نارمل تھا ۔۔۔۔۔۔۔ تو کیا بی جان ہمارے ساتھ نہیں آئینگی۔۔۔۔۔۔ اس سارم پر ہی نظریں مرکوز کیں۔۔۔۔۔۔ بی جان پہلے ہی وہاں پہنچ چکی ہیں ہارون کے ساتھ۔۔۔۔۔۔ تمہاری ملاقات ان سے نہیں ہوئی تھی تبھی مجھے بول دیا انہوں نے ۔۔۔۔ اس کا رویہ مختلف تھا ۔۔۔۔۔ وہ نہایت نرم لہجے میں بات کر رہا تھا۔۔۔۔۔۔۔ شاید دوپہر کی گئی باتیں اس پر اثر کر گئی تھی ۔۔۔۔ یا تو کسی نئے طوفان آنے کی خاموشی تھی۔۔۔۔۔۔۔ تم صبح بی جان کے ساتھ جاکر کچھ کپڑے لے آنا اپنے ٹھیک ہے ۔۔۔۔۔ عیسیٰ کے رویے نے اسے حیرت میں ڈال دیا تھا۔۔۔۔۔ کیا اتنی جلدی اسکی باتوں کا اثر اس پر ہوگیا تھا ۔۔۔۔۔۔ اگر نہیں تو اچانک سارم کے بدلے ہوئے رویے کی وجہ کیا تھی۔۔۔۔۔۔۔۔جی ٹھیک ہے۔۔۔۔۔۔ اس نے جواب دیا ۔۔۔۔۔ کیا تھا وہ۔۔۔۔۔ زرینہ کی سمجھ سے بالاتر تھا۔۔۔۔۔۔ دوپہر میں تو جانی دشمن تھا اور اب خیال رکھنے والا بن گیا۔۔۔۔۔
BIN TERY SANAM Novel By Laiba Sami Read Online
BIN TERY SANAM Novel By Laiba Sami Download PDF
